پاکستانی صحافی کی صدر بش کو مارے جانیوالے جوتے ایک کروڑ ڈالر میں خریدنے کی پیشکش

[زین]

پاکستان کے سینئر صحافی طارق عثمانی نے صدر بش کو مارے جانے والے جوتے ایک کروڑ ڈالر میں خریدنے کی پیشکش کر دی

اسلام آباد ...... پاکستان کے سینئر صحافی طارق عثمانی نے صدر بش کو مارے جانے والے جوتے ایک کروڑ ڈالر میں خریدنے کی پیشکش کر دی جبکہ عراقی صحافی منتظر الزیدی کی رہائی کےلئے اقوام متحدہ سے مداخلت کی اپیل کی ہے۔ تفصیلات کے مطابق پاکستان کی صحافتی تنظیم آل پاکستان نیوز پیپرز ایمپلائز کنفڈریشن (ایپنک) کے وائس چیئرمین اور سینئر صحافی طارق عثمانی نے بغدادیہ ٹی وی چینل کے عراقی صحافی منتظر الزیدی کی جانب سے اتوار کو بغداد میں عراقی وزیراعظم نور المالکی کے دفتر میں نیوز کانفرنس کے دوران صدر بش کو مارے جانے والے جوتوں کو خریدنے کی پیشکش کی ہے۔ طارق عثمانی نے ایک بیان میں کہا ہے کہ وہ عراقی صحافی منتظر الزیدی کے جوتے ایک کروڑ ڈالر میں خریدنے کےلئے تیار ہیں وہ ان جوتوں کی قیمت گجرات میں ان کی ملکیتی زرعی اراضی اور اثاثوں کو فروخت کر کے ادا کریں گے۔ انہوں نے کہا کہ عراقی صحافی کے جوتے فراہم کرنے پر ان جوتوں کی قیمت عراقی سیکورٹی اہلکاروں کو ادا کی جا سکتی ہے۔ سینئر صحافی طارق عثمانی نے کہا کہ عراقی صحافی منتظر الزیدی کی جرات کی مثال نہیں ملتی۔ انہوں نے بھری نیوز کانفرنس میں صدر بش کو مخاطب کر کے کتا کہہ کر امریکی پالیسیوں پر نفرت کا اظہار کیا۔ طارق عثمانی نے کہا کہ امریکہ آزادی اظہار کی پاسداری کرے اور عراقی صحافی منتظر الزیدی کو فوری طور پر رہا کرے۔ طارق عثمانی نے اقوام متحدہ سے اپیل کی کہ وہ منتظر الزیدی کی رہائی کےلئے فوری مداخلت کر ے اور انہیں سیکورٹی فراہم کرنے کےلئے اقدامات کرے۔

 

[زینب]

میں نے تو ایک سعودی شہری کے حوالے سے سنی نیوز۔۔۔۔۔۔۔۔۔

 

[زین]

جی وہ نیوز بھی ڈھونڈ رہا ہوں ۔ اب جانے کا وقت آگیا ہے ۔ صبح‌آکر ڈھونڈتا ہوں ۔

 

[قیصرانی]

سب ڈرامہ ہے۔ جس شخص کے پاس ستر کروڑ یا ساٹھ کروڑ کی زمین یا جائیداد ہو وہ کیا صحافت کرے گا؟‌خوامخواہ سستی شہرت کے طالب ہیں یہ سب

 

[زینب]

میں نے تو جیو پے ایک سعودی شہری کے حوالے سے سنی خبر اگر سعودی شہری نا کہا تو مانا جا سکتاہے

 

[زین]

سب ڈرامہ ہے۔ جس شخص کے پاس ستر کروڑ یا ساٹھ کروڑ کی زمین یا جائیداد ہو وہ کیا صحافت کرے گا؟‌خوامخواہ سستی شہرت کے طالب ہیں یہ سب

کیا صحافت صرف غریب ہی کرتے ہیں‌ مال و دولت رکھنے والے صحافت نہیں‌کرسکتے ؟

 

[قیصرانی]

کیا صحافت صرف غریب ہی کرتے ہیں‌ مال و دولت رکھنے والے صحافت نہیں‌کرسکتے ؟

امیر یا غریب کی بات نہیں، اتنے زیادہ الٹرا ہائپر سپر ڈپر امیر کی بات ہو رہی ہے جو اتنی معمولی سی بات پر ساٹھ ستر کروڑ روپے دینے کو تیار ہو گیا ہے

 

[زین]

شکریہ !
مجھے تو آپ کی اوپر والی پوسٹ‌سے الگ تاثر مل رہا تھا۔

-----------
اور میرے نزدیک تو یہ معمولی سی بات نہیں ۔

 

[قیصرانی]

آپ اس کو تھوڑا سا نیوٹرل ہو کر دیکھیں

کیا یہ کسی طرح بھی ممکن ہے کہ یہ جوتے کسی شخص کو دیئے جا سکیں؟ اگر ہاں تو اس سلسلے میں وہی شخص کامیاب ہوگا جس کے پاس زیادہ پہنچ ہوگی۔ اگر قیمت لگی تو اوپن بولی ہونی ہے جس تک شاید ہی کوئی پاکستانی پہنچ سکے

اگر یہ جوتے کسی کو نہیں دیئے جا سکتے تو پھر کسی بھی قسم کی بولی لگانا کیا ظاہر کرے گا؟

 

[طالوت]

قیصرانی اتنا سنجیدہ ہونے کی بھی ضرورت نہیں ، اسے بھی نفرت کا اظہار ہی سمجھیے ۔۔۔
سنا ہے جوتا پاکستان کا بنا ہوا ہے اس موچی کے اب جوتے لگیں گے جس نے بنایا تھا
وسلام

 

[عمار ابن ضیا]

نہیں، یہ خبر پاکستانی صحافی کے حوالے سے نہیں بلکہ ایک سعودی باشندے کے حوالے سے ہے۔ جیو ٹی وی کی سائٹ پر یہ خبر ملاحظہ ہو:

 

[زین]

عمار بھائی ۔ دونوں خبریں درست ہیںِ
پاکستانی صحافی نے بھی یہ پیشکش کی ہے ۔

 

[زینب]

قیصرانی اتنا سنجیدہ ہونے کی بھی ضرورت نہیں ، اسے بھی نفرت کا اظہار ہی سمجھیے ۔۔۔
سنا ہے جوتا پاکستان کا بنا ہوا ہے اس موچی کے اب جوتے لگیں گے جس نے بنایا تھا
وسلام

آپ ایک اور وجہ فراہم کر رہے ہو امریکیوں کو پاکستان پے حملے کی اور مسلمانوں‌کو دہشتگرد کہنے کی

 

[باسم]

یار لوگ تو (بطور تفن)یہ بھی کہہ رہے ہیں کہ جس کھال سے یہ جوتا بنا ہے وہ اجمل قصاب نے ادھیڑی تھی۔ایک اور وجہ

 

[arifkarim]

حیرت ہے ویسے، دو جوتوں نے وہ کام کر دکھایا، جو پوری امت مسلمہ مل کر نہ کرسکی!