ام اویس
محفلین
بھارتی میڈیا کے مطابق محکمہ آثارقدیمہ کے اسسٹنٹ ڈائریکٹر آرشی جیش واڑا نایاکا کے مطابق ضلع شیموگا میں ایک کنویں کی کھدائی کے دوران ایک ہزار سے زائد راکٹ اورگولے برآمد ہوئے جو مسلمان جنگجو ٹیپوسلطان نے برطانوی فوج سے جنگوں کیلئے ذخیرہ کررکھے تھے۔
8 ویں صدی کے ان راکٹ اورگولوں کے ابتدائی تجزیئے کے بعد معلوم ہوا ہے کہ ان میں سیاہ بارود ، سلفر، تارکول اورپوٹاشیم نائیٹریٹ کا مکسچرموجود ہے جو وقت گزرنے کے ساتھ ساتھ ناکارہ ہوچکا ہے تاہم اس اب بھی بارود کی بُوآتی ہے جس نے کنویں کی کھدائی کی راہ ہموار کی جہاں سے یہ راکٹ اور گولے برآمد ہوئے ۔
محکمہ آثارقدیمہ کی 15 رکنی ٹیم نے مسلسل 3 دن کھدائی کے بعد یہ راکٹ اور گولے برآمد کئے ہیں ۔
راکٹ 23 سے 26 سینٹی میٹر لمبے ہیں جنہیں شیموگا کے عجائب گھر میں نمائش کیلئے رکھا جائے گا۔
جس علاقے سے یہ راکٹ ملے ہیں وہ ٹیپوسلطان کے قلعے کاحصہ رہا ہے۔
حوالہ