مومن ٹانکنے چاک گریباں کو تو ہر بار لگا

[باباجی]

ٹانکنے چاک گریباں کو تو ہر بار لگا​

ہاتھ کٹواؤں جو ناصح رہے اب تار لگا​

​

بس کہ اک پردہ نشیں سے دل بیمار لگا​

جو مریضوں سے چھپاتے ہیں وہ آزار لگا​

​

جذبہ دل کو نہ چھاتی سے لگاؤں کیونکر​

آپ وہ میرے گلے دوڑ کے اک بار لگا ​

​

تو کسی کا بھی خریدار نہیں پر ظالم​

سرفروشوں کا ترے کوچے میں بازار لگا​

​

منہ میں کیا خم صہبا کے بھر کے آیا پانی​

تیرے لب سے جو لب ساغر سرشار لگا ​

​

کعبے سے جانب بُت خانہ پھر آیا مومن​

کیا کرے جی نہ کسی طرح سے زنہار لگا ​

 

[باباجی]

محسن وقار علی
میرے بھائی ذرا یہاں بھی ٹیگ نامہ ہوجائے

 

[زبیر مرزا]

واہ جناب بہت خُوب مومن کا اندازِسخن کا الگ ہی رنگ ہے

 

[سید شہزاد ناصر]

کیا غضب کا کلام شریک کیا ہے جناب
ایک ایک شعر انتخاب ہے
شاد و آباد رہیں

 

[باباجی]

کیا غضب کا کلام شریک کیا ہے جناب
ایک ایک شعر انتخاب ہے
شاد و آباد رہیں

بہت شکریہ پسندیدگی کا شاہ جی
آج اپنے پرانے دھاگے دیکھ رہا تھا تو دیکھا کہ اس کوئی جواب ہی نہیں ہے تو
پھر سے شیئر کردیا جائے

 

[محسن وقار علی]

محسن وقار علی
میرے بھائی ذرا یہاں بھی ٹیگ نامہ ہوجائے

ہو گیا ٹیگ نامہ

 

[بھلکڑ]

تو کسی کا بھی خریدار نہیں پر ظالم
سرفروشوں کا ترے کوچے میں بازار لگا

غضب کا انتخاب ہے بھیا۔۔۔۔۔۔۔۔۔ ​

 

[عمراعظم]

لا جواب کلام @بابا جی ۔ شیئر کرنے کا شکریہ۔

 

[شیزان]

زبردست انتخاب ہے

 

[حسیب نذیر گِل]

بہت عمدہ انتخاب
باباجی داد قبول کیجئیے

 

[مدیحہ گیلانی]

تو کسی کا بھی خریدار نہیں پر ظالم​

سرفروشوں کا ترے کوچے میں بازار لگا
واہ واہ کیا بات ہے مومن کی ۔۔عمدہ پیشکش ہے !​

 

[نیلم]

بہت عمدہ