اختر شیرانی وہ کہتے ہيں رنجش کی باتيں بھلا ديں _ اختر شیرانی

م

ماظق

محفلین
وہ کہتے ہيں رنجش کی باتيں بھلا ديں
محبت کريں خوش رہيں مسکرا ديں

غرور اور ہمارا غرور محبت
مہ و مہر کو ان کے در پر جھکا ديں

جوانی ھو گر جاودانی تو يا رب
تری سادہ دنيا کو جنت بنا ديں

شب وصل کی بےخودی چھا رہی ہے
کہو تو ستاروں کی شمعيں بجھا ديں

بہاريں سمٹ آئيں کِھل جائيں کلياں
جو ہم تم چمن ميں کبھی مسکرا ديں

وہ آئيں گے آج اے بہار محبت
ستاروں کے بستر پر کلياں بچھا ديں

بناتا ھے منہ تلخیء مے سے زاہد
تجھے باغ رضواں سے کوثر منگا ديں

تم افسانہ قيس کيا پوچھتے ہو
آؤ ہم تم کو ليلٰی بنا ديں

انہيں اپنی صورت پہ يوں ناز کب تھا
مرے عشق رسوا کو اختر دعا ديں​
 
کاشفی

کاشفی

محفلین
غزل
(اختر شیرانی)
وہ کہتے ہيں رنجش کی باتيں بھلا ديں
محبت کريں خوش رہيں مسکرا ديں

غرور اور ہمارا غرورِ محبت
مہ و مہر کو ان کے در پر جھکا ديں

جوانی ہو گر جاودانی تو يا رب
تری سادہ دنيا کو جنت بنا ديں

شب وصل کی بےخودی چھا رہی ہے
کہو تو ستاروں کی شمعيں بجھا ديں

بہاريں سمٹ آئيں کِھل جائيں کلياں
جو ہم تم چمن ميں کبھی مسکرا ديں

عبادت ہے اک بےخودی سے عبارت
حرم کو مے مشک بو سے بسا دیں

وہ آئيں گے آج اے بہارِ محبت
ستاروں کے بستر پر کلياں بچھا ديں

بناتا ہے منہ تلخیء مے سے زاہد
تجھے باغِ رضواں سے کوثر منگا ديں

جنہیں عمر بھر یاد آنا سکھایا
وہ دل سے تری یاد کیوں کر بھلا دیں

تم افسانہء قيس کيا پوچھتے ہو
ادھر آؤ، ہم تم کو لیلیٰ بنا دیں

یہ بے دردیاں کب تک اے دردِ غربت
بتوں کو پھر ارضِ حرم میں بسا دیں

وہ سرمستیاں بخش اے رشکِ شیریں
کہ خسرو کو خوابِ عدم سے جگا دیں

ترے وصل کی بےخودی کہہ رہی ہے
خدائی تو کیا ہم خدا کو بھلا دیں

انہيں اپنی صورت پہ يوں ناز کب تھا
مرے عشقِ رسوا کو اختر دعا ديں​
 
جواب دینے کے لیے داخل ہوں یا شمولیت اختیار کریں۔
Top