پروین شاکر وہ رت بھی آئی کہ میں پھول کی سہیلی ہوئی

[سید زبیر]

​

وہ رت بھی آئی کہ میں پھول کی سہیلی ہوئی​

مہک میں چمپا کلی ، روپ میں چمبیلی ہوئی​

وہ سرد رات کی برکھا سے کیوں نہ پیار کروں​

یہ رت تو ہے میرے بچپن کے ساتھ کھیلی ہوئی​

زمیں پہ پا وں نہیں پڑ رہے تکبر سے​

نگا ر غم کوئی دلہن نئی نویلی ہوئی​

وہ چاند بن کے میرے ساتھ ساتھ چلتا رہا​

میں اس کے ہجر کی راتوںمیں کب اکیلی ہوئی​

جو حرف سادہ کی صورت ہمیشہ لکھی گئی​

وہ لڑکی تیرے لئے کس طرح پہیلی ہوئی​

​

پروین شاکر​

 

[محمداحمد]

جو حرف سادہ کی صورت ہمیشہ لکھی گئی
وہ لڑکی تیرے لئے کس طرح پہیلی ہوئی
بہت خوب۔۔۔!