وہ خوگر ہیں اگر جور و جفا کے - مضطر بدایونی

[کاشفی]

غزل​

(جناب مضطر بدایونی)​

​

وہ خوگر ہیں اگر جور و جفا کے​

تو بندے ہم بھی ہیں صبر و رضا کے​

​

میں قربان آپ کے ظلم و ستم پر​

میں صدقے آپ کی جور و جفا کے​

​

پریشان پھر رہی ہیں کیوں نگاہیں​

اُٹھا دیں مل کے سب پردے حیا کے​

​

نہیں بیباکیاں اچھی ستم گر​

ابھی دن ہیں ترے شرم و حیا کے​

​

پڑے گا صبر مضطر کا کسی دن​

بہت پچھتاؤ گے اس کو سَتا کے​

 

[محمد وارث]

شکریہ کاشفی صاحب پوسٹ کرنے کیلیے۔