واصف حسین واصف کے کچھ اشعار

[فہیم]

تری محبت میں جل رہا ہوں​

میں قطرہ قطرہ پگھل رہا ہوں​

​

یہ کون مجھ کو بدل رہا ہے​

میں کس سانچے میں ڈھل رہا ہوں​

​

میں اپنے اندر ہوں اک سمندر​

میں اپنے اندر ابل رہا ہوں​

​

تمام دنیا کو ہے شکایت​

میں تیری دنیا بدل رہا ہوں​

​

تو پوچھ لے اپنے رتجگوں سے​

تمہاری پلکوں پہ جل رہا ہوں​

​

اسے سناتا ہوں اپنی الجھن​

میں جس کی الجھن کا حل رہا ہوں​

​

وہ زاویوں کو بدل رہی ہے​

میں دائروں سے نکل رہا ہوں​

​

گناہ بھی کرسکا نہ کوئی​

میں کس قدر بے عمل رہا ہوں​

​

 

[فہیم]

دل تھام کے بیٹھا ہوں تو اب پوچھ رہے ہیں​

وہ مجھ سے مرے غم کا سبب پوچھ رہے ہیں​

​

یہ سادہ دلی ہے کہ جو ناقد تھے وفا پر​

اب ہم سے وفا کرنے کا ڈھب پوچھ رہے ہیں​

​

کیا خوب مرے غم کی تلافی ہے کہ مجھ سے​

رونے کا سبب خندہ بہ لب پوچھ رہے ہیں​

 

[فہیم]

ایک تو اس کو بھلانے میں بہت دیر لگی​

اور پھر دل کو منانے میں بہت دیر لگی​

​

منزلیں دیر سے ملنے کا سبب تھا کوئی​

بوجھ اتنا تھا، اٹھانے میں بہت دیر لگی​

​

رنگ بدلے، کبھی اس شخص نے تیور بدلے​

اس لیے عکس بنانے میں بہت دیر لگی​

​

میں تو مدت سے مرے دوست جنوں یافتہ ہوں​

تم کو الزام لگانے میں بہت دیر لگی​

​

ہم نے قطرے سے گہر ہونے کا منظر دیکھا​

گو کہ پتھر کو رُلانے میں بہت دیر لگی​

​

میں ترے واسطے گلدستے سجا لاتا، مگر​

گردشِ وقت کو جانے میں بہت دیر لگی​

 

[نایاب]

بہت خوب شراکت

 

[محمد وارث]

خوب اشعار ہیں۔

شکریہ فہیم

 

[فہیم]

شکریہ نایاب بھائی اور وارث بھائی