نیند، بے خوابی، جاگنے پہ اشعار

[یاز]

وہ کیا گئے کہ نیند بھی آنکھوں سے لے گئے
یعنی کہ خواب میں بھی نہ آئے تمام رات

 

[گُلِ یاسمیں]

اٹھو یہ منظر شب تاب دیکھنے کے لیے
کہ نیند شرط نہیں خواب دیکھنے کے لیے

 

[گُلِ یاسمیں]

آئی ہوگی کسی کو ہجر میں موت
مجھ کو تو نیند بھی نہیں آتی

 

[یاز]

میں سو گیا تو زمانے کی کھل گئیں آنکھیں
میں جاگتا تھا تو سویا ہوا زمانہ تھا
فانی بدایونی

 

[گُلِ یاسمیں]

یہ ضروری ہے کہ آنکھوں کا بھرم قائم رہے
نیند رکھو یا نہ رکھو خواب معیاری رکھو

 

[گُلِ یاسمیں]

کرتا ہوں نیند میں ہی سفر سارے شہر کا
فارغ تو بیٹھتا نہیں سونے کے باوجود

 

[یاز]

یہ ضروری ہے کہ آنکھوں کا بھرم قائم رہے
نیند رکھو یا نہ رکھو خواب معیاری رکھو

کمال کے شاعر تھے راحت اندوری صاحب ۔

 

[گُلِ یاسمیں]

اٹھا تو جا بھی چکا تھا عجیب مہماں تھا
صدائیں دے کے مجھے نیند سے جگا بھی گیا

 

[یاز]

عشق کے شعلے کو بھڑکاؤ کہ کچھ رات کٹے
دل کے انگارے کو دہکاؤ کہ کچھ رات کٹے

ہجر میں ملنے شب ماہ کے غم آئے ہیں
چارہ سازوں کو بھی بلواؤ کہ کچھ رات کٹے

کوئی جلتا ہی نہیں کوئی پگھلتا ہی نہیں
موم بن جاؤ پگھل جاؤ کہ کچھ رات کٹے

چشم و رخسار کے اذکار کو جاری رکھو
پیار کے نامہ کو دہراؤ کہ کچھ رات کٹے

آج ہو جانے دو ہر ایک کو بد مست و خراب
آج ایک ایک کو پلواؤ کہ کچھ رات کٹے

کوہ غم اور گراں اور گراں اور گراں
غم زدو تیشے کو چمکاؤ کہ کچھ رات کٹے
(مخدوم محی الدین)

 

[یاز]

شب کے جاگے ہوئے تاروں کو بھی نیند آنے لگی
آپ کے آنے کی اک آس تھی اب جانے لگی

صبح نے سیج سے اٹھتے ہوئے لی انگڑائی
او صبا! تو بھی جو آئی تو اکیلی آئی

میرے محبوب مری نیند اڑانے والے
میرے مسجود مری روح پہ چھانے والے

آ بھی جا، تاکہ مرے سجدوں کا ارماں نکلے
آ بھی جا، کہ ترے قدموں پہ مری جاں نکلے

 

[یاز]

حقیقتوں نے تو کھل کھل کے نیند اڑا دی ہے
نئے طلسم بناؤ کہ نیند آ جائے

سکوں نصیبو ادھر آؤ اور کوئی تدبیر
ذرا ہمیں بھی بتاؤ کہ نیند آ جائے

بڑی طویل ہے محشرؔ کسی کے ہجر کی بات
کوئی غزل ہی سناؤ کہ نیند آ جائے

 

[یاز]

نیند کو بھی نیند آ جاتی ہے ہجر یار میں
چھوڑ کر بے خواب مجھ کو آپ سو جاتی ہے نیند

ہجر میں سونے کی ایسی ہے تمنا اے وزیرؔ
دیکھتا ہوں اس کو حسرت سے جسے آتی ہے نیند