نظم۔ میری کتاب۔ احمد حسین خان

فرحت کیانی

لائبریرین
میری کتاب

میرا دل لُبھاتی ہے میری کتاب
بہت مجھ کو بھاتی ہے میری کتاب
سناتی ہے مجھ کو لطیفے کبھی
خوشی سے ہنساتی ہے میری کتاب
پرانے زمانے کے قصے کبھی
مزے سے سُناتی ہے میری کتاب
کراتی ہے اونچے مقاموں کی سیر
ہوا میں اُڑاتی ہے میری کتاب
مجھے صاف رہنے کے اچھے اُصول
سکھاتی پڑھاتی ہے میری کتاب
اگر دل کسی وقت ناشاد ہو
مجھے یاد آتی ہے میری کتاب

از احمد حسین خان
 
Top