نا معلوم : ٹوٹ گئے سیال نگینے، پھوٹ بہے رخساروں پر

[سید زبیر]

انگڑائی پر انگڑائی لیتی ہے رات جدائی کی​

تم کیا سمجھو تم کیا جانو بات میری تنہائی کی​

کون سیاہی گھول رہا تھا وقت کے بہتے دریا میں​

میں نے آنکھ جھکی دیکھی ہے آج کسی ہرجائی کی​

ٹوٹ گئے سیال نگینے، پھوٹ بہے رخساروں پر​

دیکھو میرا ساتھ نہ دینا بات ہے یہ رسوائی کی​

وصل کی رات نجانے کیوں اسرار تھا ان کو جانے پر​

وقت سے پہلے ڈوب گئے، تاروں نے بڑی دانائی کی​

اڑتے اڑتے آس کا پنچھی دور افق میں ڈوب گیا​

روتے روتے بیٹھ گئی آواز کسی سودائی کی​

 

[شمشاد]

بہت شکریہ۔

یہ قتیل شفائی کا کلام ہے۔

 

[شمشاد]

انہوں نے ایک مشاعرے میں جب یہ غزل پڑھی تھی تو آخری مصرعے پر ان کے ایک شاعر دوست نے ترمیم کر کے یُوں پڑھا تھا :

اڑتے اڑتے آس کا پنچھی دور افق میں ڈوب گیا
روتے روتے بیٹھ گئی آواز قتیل شفائی کی