کاشفی
محفلین
مُسلماں کو کیا ہوا ؟
(جوش ملیح آبادی)
اے دل! جنونِ عشق کے ساماں کو کیا ہوا؟
ہوتا نہیں ہے چاک، گریباں کو کیا ہوا؟
فکرِ سُخن کا نور کہاں جا کے چھپ گیا؟
تخئیل کے تبسمِ پنہاں کو کیا ہوا؟
رسمِ وفا کی کاہشِ پیہم کدھر گئی؟
ذوقِ نظر کی کاوشِ پنہاں کو کیا ہوا؟
گلشن ہیں زرد، پھول کہاں جا کے بس گئے؟
کانیں ہیں سرد، لعلِ بدخشاں کو کیا ہوا؟
ہے خاکِ نجد برف میں گویا جھلی ہوئی
اے قیس عامری! دل ِ سوزاں کو کیا ہوا؟
چھائی ہوئی ہے چہرہء ہستی پہ مُردنی
الطافِ خضرو چشمہء حیواں کو کیا ہوا؟
وہ جوہری رہے، نہ وہ گوہر نظر فریب
بازارِ مصر و یوسف کنعاں کو کیا ہوا؟
شاخوں میں وہ لچک ہے، نہ غنچوں میں تازگی
طبعِ نسیم و فطرتِ بستاں کو کیا ہوا؟
اگلی سی وہ چمک نہیں اب آشیاں کے گِرد
کُنج قفس میں مرغ پرافشاں کو کیا ہوا؟
کب سے ہیں بے نواؤن کے دستِ طلب دراز
اے روح ِ فیض! ہمتِ سلطاں کو کیا ہوا؟
ہر اک صدف ہے آنکھ میں آنسو بھرے ہوئے
یارب! نُزولِ قطرہء نیساں کو کیا ہوا؟
آنکھیں ہیں بند، دید کی حسرت پہ کیا بنی!
دل ہے خجل، تصور جاناں کو کیا ہوا؟
موجِ صبا میں اب نہیں انفاسِ عیسوی
گوہر فشانیء لَبِ خوباں کو کیا ہوا؟
سُونی ہیں ایک عمر سے راتیں شباب کی
بزم آفرینیء مَہِ تاباں کو کیا ہوا؟
ناخن سے اپنے چھیڑ رہا ہے کوئی نگار
اس پر بھی سُن پڑی ہے، رگِ جاں کو کیا ہوا؟
کعبے میں یار پا گئے اصنام آذری
کاشانہء خلیل کے درباں کو کیا ہوا؟
اب آستانِ کفر پہ ہیں سجدہ ریزیاں
اے کردگار، مرد مسلماں کو کیا ہوا؟
سینے میں اس گروہ کے کیوں اُڑ رہی ہے خاک
کنج حدیث و دولتِ قرآں کو کیا ہوا؟
قبضوں پہ ہاتھ ہیں ، نہ جبینیں ہیں خاک پر
ذوقِ جہاد و جذبہء عرفاں کو کیا ہوا؟
شانِ دغائے حمزہ و حیدر کدھر گئی
رُوح دُعائے بوذر و سلماں کو کیا ہوا؟
عزمِ حسین ہے، نہ ثباتِ ابوتراب
صبرِ جمیل و ضبطِ فراواں کو کیا ہوا؟
ڈنکے بجا رہے ہیں شجاعت کے گو سفند
کوئی بتاؤ، شیرِ نیساں کو کیا ہوا؟
تن کر مقامِ صدر پہ بیٹھے ہیں زِشت رُو
اے بزم ناز! خسرو خوباں کو کیا ہوا؟
پھر ابرِ سامری سے برستے ہیں اژدہے
یارو! عصائے موسیء عمراں کو کیا ہوا؟
آنکھیں دکھا رہے ہیں ستارےخدا
اے آسمان! مہرِ درخشاں کو کیا ہوا؟
اے جوش! دیکھ منہ تو گریباں میں ڈال کر
کیا پوچھتا ہے، "مردِ مُسلماں کو کیا ہوا؟"
(جوش ملیح آبادی)
اے دل! جنونِ عشق کے ساماں کو کیا ہوا؟
ہوتا نہیں ہے چاک، گریباں کو کیا ہوا؟
فکرِ سُخن کا نور کہاں جا کے چھپ گیا؟
تخئیل کے تبسمِ پنہاں کو کیا ہوا؟
رسمِ وفا کی کاہشِ پیہم کدھر گئی؟
ذوقِ نظر کی کاوشِ پنہاں کو کیا ہوا؟
گلشن ہیں زرد، پھول کہاں جا کے بس گئے؟
کانیں ہیں سرد، لعلِ بدخشاں کو کیا ہوا؟
ہے خاکِ نجد برف میں گویا جھلی ہوئی
اے قیس عامری! دل ِ سوزاں کو کیا ہوا؟
چھائی ہوئی ہے چہرہء ہستی پہ مُردنی
الطافِ خضرو چشمہء حیواں کو کیا ہوا؟
وہ جوہری رہے، نہ وہ گوہر نظر فریب
بازارِ مصر و یوسف کنعاں کو کیا ہوا؟
شاخوں میں وہ لچک ہے، نہ غنچوں میں تازگی
طبعِ نسیم و فطرتِ بستاں کو کیا ہوا؟
اگلی سی وہ چمک نہیں اب آشیاں کے گِرد
کُنج قفس میں مرغ پرافشاں کو کیا ہوا؟
کب سے ہیں بے نواؤن کے دستِ طلب دراز
اے روح ِ فیض! ہمتِ سلطاں کو کیا ہوا؟
ہر اک صدف ہے آنکھ میں آنسو بھرے ہوئے
یارب! نُزولِ قطرہء نیساں کو کیا ہوا؟
آنکھیں ہیں بند، دید کی حسرت پہ کیا بنی!
دل ہے خجل، تصور جاناں کو کیا ہوا؟
موجِ صبا میں اب نہیں انفاسِ عیسوی
گوہر فشانیء لَبِ خوباں کو کیا ہوا؟
سُونی ہیں ایک عمر سے راتیں شباب کی
بزم آفرینیء مَہِ تاباں کو کیا ہوا؟
ناخن سے اپنے چھیڑ رہا ہے کوئی نگار
اس پر بھی سُن پڑی ہے، رگِ جاں کو کیا ہوا؟
کعبے میں یار پا گئے اصنام آذری
کاشانہء خلیل کے درباں کو کیا ہوا؟
اب آستانِ کفر پہ ہیں سجدہ ریزیاں
اے کردگار، مرد مسلماں کو کیا ہوا؟
سینے میں اس گروہ کے کیوں اُڑ رہی ہے خاک
کنج حدیث و دولتِ قرآں کو کیا ہوا؟
قبضوں پہ ہاتھ ہیں ، نہ جبینیں ہیں خاک پر
ذوقِ جہاد و جذبہء عرفاں کو کیا ہوا؟
شانِ دغائے حمزہ و حیدر کدھر گئی
رُوح دُعائے بوذر و سلماں کو کیا ہوا؟
عزمِ حسین ہے، نہ ثباتِ ابوتراب
صبرِ جمیل و ضبطِ فراواں کو کیا ہوا؟
ڈنکے بجا رہے ہیں شجاعت کے گو سفند
کوئی بتاؤ، شیرِ نیساں کو کیا ہوا؟
تن کر مقامِ صدر پہ بیٹھے ہیں زِشت رُو
اے بزم ناز! خسرو خوباں کو کیا ہوا؟
پھر ابرِ سامری سے برستے ہیں اژدہے
یارو! عصائے موسیء عمراں کو کیا ہوا؟
آنکھیں دکھا رہے ہیں ستارےخدا
اے آسمان! مہرِ درخشاں کو کیا ہوا؟
اے جوش! دیکھ منہ تو گریباں میں ڈال کر
کیا پوچھتا ہے، "مردِ مُسلماں کو کیا ہوا؟"
