مولویوں کا شغل تکفیر ۔۔۔ مولانا شبلی نعمانی

سین خے نے 'پسندیدہ کلام' کی ذیل میں اس موضوع کا آغاز کیا، ‏نومبر 28, 2019

  1. سین خے

    سین خے محفلین

    مراسلے:
    1,948
    جھنڈا:
    Pakistan
    موڈ:
    Cheerful

    مولویوں کا شغل تکفیر


    اک مولوی صاحب سے کہا میں نے کہ کیا آپ
    کچھ حالت یورپ سے خبردار نہیں ہیں
    آمادۂ اسلام ہیں لندن میں ہزاروں
    ہر چند ابھی مائل اظہار نہیں ہیں
    تقلید کے پھندوں سے ہوئے جاتے ہیں آزاد
    وہ لوگ بھی جو داخل اصرار نہیں ہیں
    جو نام سے اسلام کے ہو جاتے ہیں برہم
    ان میں بھی تعصب کے وہ آثار نہیں ہیں
    افسوس مگر یہ ہے کہ واعظ نہیں پیدا
    یا ہیں تو بقول آپ کے دیں دار نہیں ہیں
    کیا آپ کے زمرے میں کسی کو نہیں یہ درد
    کیا آپ بھی اس کے لئے تیار نہیں ہیں
    جھلا کے کہا یہ کہ یہ کیا سوئے ادب ہے
    کہتے ہو وہ باتیں جو سزاوار نہیں ہیں
    کرتے ہیں شب و روز مسلمانوں کی تکفیر
    بیٹھے ہوئے کچھ ہم بھی تو بے کار نہیں ہیں

    مولانا شبلی نعمانی
     
    • پسندیدہ پسندیدہ × 4
    • زبردست زبردست × 3
    • پر مزاح پر مزاح × 1

اس صفحے کی تشہیر