مل بھی جایا کرو۔

رشید حسرت

محفلین
مل بھی جایا کرو آتے جاتے ھوئے
ھم ملیں گے سدا مسکراتے ھوئے
ھم نے مانا کہ ھم سے ھوئی ھو گی بھول
اک زمانہ ھُؤا پر مناتے ھوئے
یاد کر کے ہمیں رو پڑو گے حضور
دھیمی غزلیں کبھی گُنگنائے ھوئے
ایک دن خاک ھو جائیں گے دیکھنا
دردِ دل تم سے اپنا چھپاتے ھوئے
کپکپا جاتا ھے اب تو پورا وجود
کیوں وفا نام ھونٹوں پہ لاتے ھوئے
خواب اچھّے دنوں کا دکھاتے تھے تم
انگلیاں سر میں دھیرے گھماتے ھوئے
تم نے جینے کی تاکید بھی کی ہمیں
زہر کا جام حسرتؔ پلاتے ھوئے۔

رشید حسرتؔ۔
 
Top