ناصر کاظمی مسلسل بے کلی دل کو رہی ہے

[سید زبیر]

​

مسلسل بے کلی دل کو رہی ہے​

مگر جینے کی صورت تو رہی ہے​

میں کیوں پھرتا ہوں تنہا مارا مارا​

یہ بستی چین سے کیوں سو رہی ہے​

چلے دل سے امیدوں کے مسافر​

یہ نگری آج خالی ہو رہی ہے​

نہ سمجھو تم اسے شور بہاراں​

خزاں پتوں میں چھپ کر رو رہی ہے​

ہمارے گھر کی دیواروں پہ ناصر​

اداسی بال کھولے سو رہی ہے​

ناصر کاظمی​

 

[شیزان]

نہ سمجھو تم اسے شور بہاراں
خزاں پتوں میں چھپ کر رو رہی ہے

اعلیٰ انتخاب ہے زبیر بھائی

 

[مہ جبین]

ہمارے گھر کی دیواروں پہ ناصر
اداسی بال کھولے سو رہی ہے
واہ واہ