مارگلہ ہلز نیشنل پارک میں آگ لگ گئی

الف نظامی

لائبریرین
اسلام آباد میں مارگلہ کی پہاڑیوں کے سید پور ولیج رینج میں آگ لگ گئی جس پر قابو پانے کی کوششیں جاری ہیں۔

پاک آرمی اور سکس ایوی ایشن اسکواڈرن کے ہیلی کاپٹر آگ بجھانے میں مصروف ہیں۔

سی ڈی اے کے 75 سے زائد فائر فائٹرز بھی آگ پر قابو پانےکی کوششوں کا حصہ ہیں، فائر فائٹرز کی مزید ٹیمیں روانہ کردی گئی ہیں، تیز ہوا کے باعث آگ پر قابو پانے میں مشکلات کا سامنا ہے اور آگ کی شدت میں مزید اضافہ ہو رہا ہے۔

وزیراعظم کی معاون خصوصی برائے ماحولیاتی تبدیلی رومینہ خورشید عالم نے ہیلی کاپٹر بھجوانے پر پاک آرمی کا شکریہ ادا کیا ہے۔

وزیراعظم شہباز شریف نے مارگلہ پہاڑیوں پر لگی آگ جلد بجھانے کی ہدایت کی ہے اور کہا ہے کہ آگ پر جلد سے جلد قابو یقینی بنایا جائے، یقینی بنایاجائے کہ آگ سےکسی انسانی جان کو نقصان نہ پہنچے۔

وزیراعظم شہباز شریف نے ہدایت کی ہےکہ جس قدر ہوسکے جنگلی حیات کا تحفظ بھی یقینی بنایا جائے۔
 

الف نظامی

لائبریرین
15 مئی 2025
سیدپور درہ جنگل نمبر 15 اور روملی کے قریب مارگلہ ہلز کے جنگلات میں آگ بھڑک اٹھی ہے۔

ترجمان اسلام آباد وائلڈ لائف مینجمنٹ بورڈ کے مطابق اسلام آباد وائلڈ لائف اور وفاقی ترقیاتی ادارہ کے اہلکار موقع پر موجود ہیں اور آگ بھجانے کے لیے مصروف عمل ہیں۔

ہوا کے دباؤ کے باعث آگ پر قابو پانے میں مشکلات کا سامنا ہے تاہم آگ بجھانے کے لیے اضافی عملہ بھی موقع پر پہنچ گیا ہے۔

ترجمان کا کہنا ہے کہ آگ پر جلد قابو پانے کے لیے تمام تر وسائل بروئے کار لائے جا رہے ہیں۔

 
آخری تدوین:
Top