قومی سلامتی کمیٹی کا 5 اپریل تک تمام تعلیمی ادارے بند رکھنے کا فیصلہ

جاسم محمد نے 'طب اور صحت' کی ذیل میں اس موضوع کا آغاز کیا، ‏مارچ 13, 2020

  1. جاسم محمد

    جاسم محمد محفلین

    مراسلے:
    24,509
    قومی سلامتی کمیٹی کا 5 اپریل تک تمام تعلیمی ادارے بند رکھنے کا فیصلہ
    ویب ڈیسک 2 گھنٹے پہلے
    [​IMG]
    ملک بھر میں مدارس بھی 5 اپریل تک بند رہیں گے، وزیر تعلیم


    اسلام آباد: وفاقی وزیر تعلیم شفقت محمود کا کہنا ہے کہ ملک میں5 اپریل 2020 تک تمام تعلیمی ادارے اور سرگرمیاں معطل رہیں گی۔

    وزیراعظم عمران خان کی زیرصدارت قومی سلامتی کمیٹی کا اہم اجلاس ختم ہوگیا جس میں تینوں مسلح افواج کے سربراہان اور ڈی جی آئی ایس آئی لیفٹیننٹ جنرل فیض حمید سمیت وفاقی وزرا وسیکریٹریز نے شرکت کی۔

    قومی سلامتی اجلاس میں کرونا وائرس سے متعلق صورتحال پر غور کیا گیا اور قومی سلامتی کمیٹی نے کرونا وائرس کی روک تھام سے متعلق اہم فیصلے کیے ہیں۔

    دوسری جانب وفاقی وزارت تعلیم کا کہنا ہے کہ ملک بھر میں 5 اپریل تک تمام تعلیمی ادارے اور سرگرمیاں معطل رہیں گی، تعلیمی ادارے بند رکھنے کا فیصلہ قومی سلامتی کمیٹی اجلاس میں کیا گیا، ان تعلیمی اداروں میں آئی سی ٹی پبلک اور پرائیویٹ تمام سطح کے تعلیمی ادارے شامل ہوں گے جب کہ 27 مارچ کو تعلیم اداروں کی بندش کے فیصلے پر نظرثانی ہوگی۔
     
  2. جاسم محمد

    جاسم محمد محفلین

    مراسلے:
    24,509
    پاکستان بھر میں مدارس سمیت تمام تعلیمی ادارے 5 اپریل تک بند رکھنے کا فیصلہ
    [​IMG]
    فیصلے کا اطلاق تمام نجی و سرکاری اسکولز، کالجز، جامعات، ووکیشنل سینٹرز اور مدارس پر ہوگا، وفاقی وزیر تعلیم شفقت محمود— فوٹو: فائل

    وزیراعظم عمران خان کی زیر صدارت قومی سلامتی کمیٹی کا اجلاس ہوا جس میں کورونا وائرس کے خطرے کے پیش نظر ملک بھر میں 5 اپریل تک تمام تعلیمی ادارے بند رکھنے کا فیصلہ کیا گیا۔

    اجلاس میں کورونا وائرس کی روک تھام سےمتعلق حکمت عملی پرغور کیا گیا اور معاون خصوصی برائے صحت ظفرمرزا نے اجلاس کو صورتحال سے آگاہ کیا۔

    اجلاس میں آرمی چیف، سربراہ پاک بحریہ اور سربراہ پاک فضائیہ نے بھی شرکت کی۔

    اجلاس کے بعد وفاقی وزیر تعلیم شفقت محمود نے اپنی ٹوئٹ میں کہا کہ قومی سلامتی کمیٹی کے اجلاس میں فیصلہ کیا گیا ہے کہ 5 اپریل تک ملک بھر کے تمام تعلیمی ادارے بند رہیں گے۔

    انہوں نے وضاحت کی کہ اس فیصلے کا اطلاق تمام نجی و سرکاری اسکولز، کالجز، جامعات، ووکیشنل سینٹرز اور مدارس پر ہوگا۔

    یاد رہے کہ عالمی ادارہ صحت (ڈبلیو ایچ او) کورونا وائرس کو عالمی وبا قرار دے چکا ہے۔ پاکستان میں کورونا وائرس کے اب تک 22 کیسز رپورٹ ہوئے جن کی بڑی تعداد کراچی سمیت سندھ میں سامنے آئی ۔

    اب تک سندھ میں سامنے آنے والے کیسز کی تعداد 16 (15 کراچی اور ایک حیدرآباد)، گلگت بلتستان میں 3، اسلام آباد میں 2 ہے جب کہ کوئٹہ میں ایک کیس سامنے آیا ہے۔ ان 22 کیسز میں سے کراچی میں زیرعلاج 2 مریض مکمل طور پر صحتیاب بھی ہو چکے ہیں۔

    خیال رہے کہ کورونا وائرس 125 سے زائد ملکوں تک پھیل گیا ہے، دنیا بھر میں ہونے والی اموات کی تعداد5 ہزار سے زائد ہوگئی ہے۔

    دنیا بھر میں ایک لاکھ 38 ہزار سے زائد کیسز رپورٹ ہوئے،اب تک 70 ہزار سے زائد صحت یاب ہوچکے۔
     
    • معلوماتی معلوماتی × 2
  3. فرقان احمد

    فرقان احمد محفلین

    مراسلے:
    10,183
    ایک مستحسن اقدام!
     
    • زبردست زبردست × 1
    • متفق متفق × 1

اس صفحے کی تشہیر