یوسف-2
محفلین
سيپارو- 5 ... والۡمُحصنٰت جا مضمون
1- هٿ ايندڙ ٻانهيون
۽ پرڻيل عورتون (به حرام آھن) پر اوھان جا ھٿ جن (ٻانهين) جا مالڪ ٿيا آھن (سي حرام نه آھن)، اِھو حڪم الله اوھان تي لکيو آھي، ۽ اُنھن (حرام ڪيلن) کان سواءِ (ٻيون سڀ عورتون) اوھان لاءِ حلال آھن جڏھن پنھنجن مالن سان (کين) پرڻيندڙ، نه زنا جو ارادو ڪندڙ ھجو- پوءِ اھو مال جنھن جي عيوض انھن (زالن) کان (پرڻجڻ جو) فائدو ورتوَ تن کي سندن ڪابين مقرر ڪيل ڏيو، ۽ ڪابين مقرر ڪرڻ کان پوءِ جيتري (ڪابين) ۾ اوھين پاڻ ۾ راضي ٿيو ته اوھان تي گناهه نه آھي، ڇوته الله ڄاڻندڙ حڪمت وارو آھي. ۽ اوھان مان جيڪو آزاد مؤمنياڻين جي پرڻجڻ جي سگھ نه رکندو ھجي سو اُنھن مؤمنياڻين ٻانھين مان جن جا مالڪ اوھان (مؤمنن) مان آھن (ڪا پرڻجي ته عار نه آھي)- ۽ الله اوھان جي ايمان کي بلڪل ڄاڻندڙ آھي- اوھان جا ھڪڙا ٻ۔ين مان (پيدا ٿيل) آھن (يعني پاڻ ۾ ھڪ جنس آھيو)، پوءِ کين سندن مالڪن جي موڪل سان پرڻجو ۽ سندن ڪابين عام ھليءَ چليءَ وانگر کين ڏيو (اُھي) نڪاح ٻَڌلون، نه زنا ڪندڙيون ۽ نڪي ڳجھن يارن وٺڻ واريون ھجن، پوءِ جڏھن نڪاح ۾ آيون تڏھن جيڪڏھن (اُھي) ڪو بي حيائيءَ جو ڪم ڪن ته جيڪا سزا آزاد عورتن تي آھي تنھن جو اڌ مٿن آھي- (اھا ٻانھيءَ پرڻجڻ جي اجازت) اوھان مان انھيءَ لاءِ آھي جيڪو زنا (جي گناهه ۾ پوڻ) کان ڊڄي- ۽ اوھان جو صبر ڪرڻ اوھان لاءِ ڀلو آھي، ۽ الله بخشڻھار مھربان آھي. (سورة النساء ...25)2- الله پابندين کي هَلڪو ڪرڻ پيو گهري
الله گھرندو آھي ته اوھان لاءِ کولي بيان ڪري ۽ جيڪي اوھان کان اڳ (گذريا) آھن تن جون واٽون اوھان کي ڏيکاري ۽ اوھان تي ٻاجھ سان موٽي، ۽ الله ڄاڻندڙ حڪمت وارو آھي. ۽ الله اوھان تي ٻاجھ سان موٽڻ گھرندو آھي، ۽ جيڪي پنھنجي سَڌن جي پٺيان لڳندا آھن سي اوھان جو (سڌيءَ واٽ کان) تمام پري ٿڙي وڃڻ گھرندا آھن. الله اوھان تان (بار) ھلڪو ڪرڻ گھرندو آھي، ۽ ماڻھو (اصل) ھيڻو پيدا ڪيو ويو آھي. (سورة النساء ...2
3- هڪ ٻئي جو مال نه کائو
اي ايمان وارؤ! اوھين پاڻ ۾ ھڪ ٻئي جو مال ناحق نه کائو پر پاڻ ۾ رضامندي سان واپار جي ڏيتي ليتي ھجي ته (ڀلي کائو)، ۽ اوھان پاڻ کي ھلاڪ نه ڪريو- بيشڪ الله اوھان تي مھربان آھي. ۽ جيڪو حد کان ٻاھر نڪرڻ ۽ ظلم سان ايئن ڪندو تنھن کي باهه ۾ سگھو وجھنداسين، ۽ اھو (ڪم) الله تي سھنجو آھي. جيڪڏھن وڏن گناھن کان جن کان اوھان کي جھليو ويو پاسو ڪندا رھندؤ ته اوھان جيون (ھلڪيون) مدايون اوھان کان ميٽينداسين ۽ اوھان کي عزت واريءَ جاءِ ۾ داخل ڪنداسين. (سورة النساء ...31)4- ٻئي کي مليل مال تي لالچ نه ڪريو
۽ جن شين سان الله اوھان مان ھڪڙن کي ٻ۔ين کان فضيلت ڏني آھي تن جي ريس نه ڪريو- مردن لاءِ جيترو (پاڻ) ڪمايائون تنھن مان حصو آھي، ۽ زائفن لاءِ جيترو پاڻ ڪمايائون تنھن مان حصو آھي، ۽ الله کان سندس فضل گھرو، ڇوته الله سڀ ڪنھن شيءِ کي ڄاڻندڙ آھي. ۽ ماءُ پيءُ ۽ مائٽن جيڪي (مال) ڇڏيو تنھن سڀ لاءِ وارث مقرر ڪياسون، ۽ جن کي (مائٽيءَ جھڙي دوستيءَ ۾) اوھان جي قَسمن ٻڌو آھي تن کي سندن حصو ڏيو- بيشڪ الله سڀ ڪنھن شي تي واقف آھي. (سورة النساء ...33)5- مرد عورتن تي طاقتور آهن
مرد زائفن تي انھيءَ سببان حڪمران آھن جو الله انھن مان ھڪڙن کي ٻ۔ين کان ڀلو ڪيو آھي ۽ (ٻيو) ھن سببان جو پنھنجن مالن مان خرچ ڪندا آھن، پوءِ ڀلاريون فرمانبردارڻيون پرپٺ نگاهه رکڻ واريون انهيءَ ڪري جو الله (کين) ڍڪيو آهي (ڀلاريون آهن)(سورة النساء ...34)6- ڏنگين زالن کي مارڻ جي اجازت
۽ جن (زالن) جي بي فرماني معلوم ڪريو تن کي (زباني) نصيحت ڪريو ۽ پاٿارين ۾ کين ڌار ڪريو ۽ مار ڏيون، پوءِ جيڪڏھن اوھان جي فرمانبرداري ڪن ته مٿن ڪا (ايذاءَ جي) واٽ نه ڳوليو- بيشڪ الله مٿاهون وڏي وڏائيءَ وارو آهي. (سورة النساء ...34)7- مڙس زال جي وچ ۾ ٽياڪڙ جو ڪردار
۽ جيڪڏھن سندن وچ ۾ ڦيٽي جو ڊپ (محسوس) ڪريو ته ھِن جي گھراڻي مان ھڪ امين ۽ ھُن جي گھراڻي مان (به) ھڪ امين مقرر ڪريو، جيڪڏھن ٻئي (امين) صلح ڪرائڻ گھرندا ته الله سندن وچ ۾ ميلاپ ڏيندو- ڇوته الله ڄاڻندڙ خبر رکندڙ آھي. (سورة النساء ...35)