رئیس فروغ غزل ۔ کہہ رہے تھے لوگ صحرا جل گیا ۔ رئیس فروغ

[محمداحمد]

غزل​

​

کہہ رہے تھے لوگ صحرا جل گیا​

پھر خبر آئی کہ دریا جل گیا​

​

دیکھ لو میں بھی ہوں، میرا جسم بھی​

بس ہُوا یہ ہے کہ چہرہ جل گیا​

​

میرے اندازے کی نسبت وہ چراغ​

کم جلا تھا، پھر بھی اچّھا جل گیا​

​

شارٹ سرکٹ سے اُڑی چنگاریاں​

صدر میں اک پھول والا جل گیا​

​

آگ برسی تھی بدی کے شہر پر​

اک ہمارا بھی شناسا جل گیا​

​

میں تو شعلوں میں نہایا تھا فروغ​

دور سے لوگوں نے سمجھا جل گیا​

​

رئیس فروغ​

 

[مدیحہ گیلانی]

واہ ۔۔۔کیا کہنے ۔۔بہت شکریہ احمد بیٹا ۔

 

[ناعمہ عزیز]

بہت خوب

 

[فلک شیر]

میرے اندازے کی نسبت وہ چراغ
کم جلا تھا، پھر بھی اچّھا جل گیا

سبحان اللہ....."اچھا" کا جواب نہیں۔​