انور شعور غزل ۔ کچھ لکیریں روز نقشے سے مٹا دیتی ہے آگ ۔ انور شعورؔ

[محمداحمد]

غزل​

​

کچھ لکیریں روز نقشے سے مٹا دیتی ہے آگ​

کیسے کیسے شہر مٹّی میں ملا دیتی ہے آگ​

​

زندہ رہنا، جلتے رہنے کے برابر ہے مگر​

زندگی اک آگ ہے کندن بنا دیتی ہے آگ​

​

جو کلی کھلتی ہے کیاری میں، جلا دیتی ہے دھوپ​

جو دیا جلتا ہے دھرتی پر، بجھا دیتی ہے آگ​

​

ایک بچہ بھی ملا جھلسے ہوئے افراد میں​

پیڑ کے ہمراہ گُل بوٹے جلا دیتی ہے آگ​

​

یاد اب اوّل تو آتی ہی نہیں اُس کی شعورؔ​

اور آتی ہے تو سینے میں لگا دیتی ہے آگ​

​

انور شعورؔ​

 

[محمد وارث]

لاجواب

 

[صائمہ شاہ]

واہ کیا کہنے

یاد اب اوّل تو آتی ہی نہیں اُس کی شعورؔ
اور آتی ہے تو سینے میں لگا دیتی ہے آگ

 

[طارق شاہ]

بہت خوب انتخاب!
تشکّر پیش کرنے پر :

لیں داد پیش کرنے پہ اُن کی غزل حضُور
ہیں عندلیب ِگلشن ِ شعر و سُخن شعُور

 

[مدیحہ گیلانی]

عمدہ انتخاب !
زندہ رہنا، جلتے رہنے کے برابر ہے مگر
زندگی اک آگ ہے کندن بنا دیتی ہے آگ

 

[گلزار خان]

بہت خوب