غزل ۔ دل دیا ہے تو پھر اتنا کر دے ۔ چوہدری محمد علی مضطر عارفی

[محمداحمد]

کچھ عرصہ پہلے فاتح بھائی نے چوہدری محمد علی مضطر عارفی کی دو غزلیں پسندیدہ کلام میں پیش کی تھیں ۔ جو بہت لاجواب تھیں۔ آج ویب پر ہی مضطر عارفی صاحب کی ایک غزل اور ملی ہے سوچا یہاں پیش کر دی جائے۔

​

غزل​

​

دل دیا ہے تو پھر اتنا کر دے​

اِس کو کچھ اور کشادہ کر دے​

​

بھر نہ جائے کہیں سہلانے سے​

زخم کو اور بھی گہرا کر دے​

​

کہیں ایسا نہ ہو میرا سایہ​

تیری تصویر کو دھندلا کر دے​

​

پھر پسِ پردۂ گردِ ایّام​

کوئی لمحہ نہ اشارہ کر دے​

​

میں ہوں شرمندۂ خوابِ غفلت​

مر چکا ہوں، مجھے زندہ کر دے​

​

بھول جائے نہ مرا نام مجھے​

اس کو الزام پہ کندہ کر دے​

​

فرطِ حیرت سے کہیں آئینہ​

تیری صورت کو نہ سجدہ کر دے​

​

چڑھ بھی اے آنکھ کے سچّے سورج!​

اب تو پلکوں پہ اجالا کر دے​

​

مل نہ جائے کہیں آوازوں میں​

میری آواز کو رسوا کر دے​

​

مجھ کو ڈر ہے کہ یہ میرا آنسو​

تیرے دامن کو نہ مَیلا کر دے​

​

میں تجھے دل تو دِکھا دوں مضطرؔ​

تُو اگر اس کا نہ چرچا کر دے​

​

چوہدری محمد علی مضطرؔ​

​

-

 

[محمد وارث]

بہت شکریہ احمد صاحب خوبصورت غزل شیئر کرنے کیلیے۔

 

[نایاب]

بہت خوب شراکت محترم احمد بھائی
واہہہہہہہہہہہہہہہہہہہہ
کیا خوب کہا ہے

مل نہ جائے کہیں آوازوں میں​

میری آواز کو رسوا کر دے۔​

 

[محمداحمد]

بہت شکریہ احمد صاحب خوبصورت غزل شیئر کرنے کیلیے۔

بہت خوب شراکت محترم احمد بھائی
واہہہہہہہہہہہہہہہہہہہہ
کیا خوب کہا ہے

مل نہ جائے کہیں آوازوں میں​

میری آواز کو رسوا کر دے۔​

بہت شکریہ وارث بھائی اور نایاب بھائی۔

خوش رہیے۔

 

[محمداحمد]

اور ہاں

فرخ منظور بھائی کا بھی بہت شکریہ۔۔۔۔۔!

 

[الف عین]

واہ اچھی غزل ہے

 

[سارہ خان]

ہہت خوب ۔۔۔۔۔