فرحان محمد خان
محفلین
غزل
یہ سفر ہے حسرتوں کا اسے ناتمام رکھنا
کبھی یارِ دل شکن سے کبھی دل سے کام رکھنا
یو نہی دُور دُور رہنا وہ ملے تو کچھ نہ کہنا
پسِ حرفِ بے تکلم اُسے ہمکلام رکھنا
کسی شامِ دل دہی سے کسی صبح جاں کنی سے
جو چراغ بجھ رہا ہو اُسے میرے نام رکھنا
کسی یاد کی حنا کو گلِ دستِ شب بنایا
کسی آنکھ کے دیئے کو سرِ طاقِ شام رکھنا
یہ ہوائے بے خیالی تو ہے کام آنے والی
نہ کوئی گلہ گزاری نہ دعا سلام رکھنا
جو زیادہ بے دِلی ہو فزوں شکستگی ہو
بہت انتظار کرنا ، بہت اہتمام رکھنا
یہ نصیرؔ طور کیا ہے ترے دل میں اور کیا ہے
نہ حسابِ راہ کوئی نہ خیالِ بام رکھنا
نصیرؔ ترابی
1991ء
یہ سفر ہے حسرتوں کا اسے ناتمام رکھنا
کبھی یارِ دل شکن سے کبھی دل سے کام رکھنا
یو نہی دُور دُور رہنا وہ ملے تو کچھ نہ کہنا
پسِ حرفِ بے تکلم اُسے ہمکلام رکھنا
کسی شامِ دل دہی سے کسی صبح جاں کنی سے
جو چراغ بجھ رہا ہو اُسے میرے نام رکھنا
کسی یاد کی حنا کو گلِ دستِ شب بنایا
کسی آنکھ کے دیئے کو سرِ طاقِ شام رکھنا
یہ ہوائے بے خیالی تو ہے کام آنے والی
نہ کوئی گلہ گزاری نہ دعا سلام رکھنا
جو زیادہ بے دِلی ہو فزوں شکستگی ہو
بہت انتظار کرنا ، بہت اہتمام رکھنا
یہ نصیرؔ طور کیا ہے ترے دل میں اور کیا ہے
نہ حسابِ راہ کوئی نہ خیالِ بام رکھنا
نصیرؔ ترابی
1991ء