فرحان محمد خان
محفلین
غزل
یہ دن بھی گزرا ، رہِ رائیگاں کے قصوں میں
یقیں نہ ہو تو مزہ کیا گماں کے قصوں میں
سمومِ تنگ دلی نے یہ حوصلہ نہ رکھا
کہ شاخِ دل کو رکھوں آشیاں کے قصوں میں
جو ایک بابِ دگرگُوں سنا گئی ہے وہ آنکھ
کبھی پڑھا تھا اُسے بھی خزاں کے قصوں میں
وہ ایک خواب کہ ہے مہرباں ، شجر کی طرح
ملا وہ موسمِ نامہرباں کے قصوں میں
خیالِ سَیل و سوالِ طناب رہتا ہے
سفر سفر نہ رہا بادباں کے قصوں میں
ہوائے زلف تھی لائی فضائے مقتل میں
کہاں کے لوگ تھے اُلجھے کہاں کے قصوں میں
حسابِ دوری و نَزدی میں یہ کُھلا آخر
کہیں بھی تو نہیں سُود و زیاں کے قصوں میں
وہ شام آئے گی کچھ کہنے بار بار نصیرؔ
لکھا ہے جس کو شبِ رفتگاں کے قصوں میں
یہ دن بھی گزرا ، رہِ رائیگاں کے قصوں میں
یقیں نہ ہو تو مزہ کیا گماں کے قصوں میں
سمومِ تنگ دلی نے یہ حوصلہ نہ رکھا
کہ شاخِ دل کو رکھوں آشیاں کے قصوں میں
جو ایک بابِ دگرگُوں سنا گئی ہے وہ آنکھ
کبھی پڑھا تھا اُسے بھی خزاں کے قصوں میں
وہ ایک خواب کہ ہے مہرباں ، شجر کی طرح
ملا وہ موسمِ نامہرباں کے قصوں میں
خیالِ سَیل و سوالِ طناب رہتا ہے
سفر سفر نہ رہا بادباں کے قصوں میں
ہوائے زلف تھی لائی فضائے مقتل میں
کہاں کے لوگ تھے اُلجھے کہاں کے قصوں میں
حسابِ دوری و نَزدی میں یہ کُھلا آخر
کہیں بھی تو نہیں سُود و زیاں کے قصوں میں
وہ شام آئے گی کچھ کہنے بار بار نصیرؔ
لکھا ہے جس کو شبِ رفتگاں کے قصوں میں
نصیرؔ ترابی
1985ء
1985ء