غزل -یہاں لوگ ہیں سیدھے سادے کئی

[ایس فصیح ربانی]

یہاں لوگ ہیں سیدھے سادے کئی​

بدلتے ہیں دن میں لبادے کئی​

​

جہاں تھے وہیں کے وہیں رہ گئے​

کہ بن بن کے ٹوٹے ارادے کئی​

​

نہ چلیے تو پھر کوئی رستہ نہیں​

جو چل دیجیے تو ہیں جادے کئی​

​

ملی شاہزادی نہ انصاف کی​

بھٹکتے پھرے شاہزادے کئی​

​

چلے شاہ اب اپنی اگلی بھی چال​

کہ فرزیں بہت اور پیادے کئی​

​

نہیں جانتے غم کا مطلب بھی جو​

یہاں ایسے ہیں خانوادے کئی​

​

سرِ بزم یہ آئنے نے کہا​

مکمل ہیں اک دو اور آدھے کئی​

​

نظر وہ نظر ہے، کسی دل میں جو​

دئیے خواہشوں کے جلا دے کئی​

​

کبھی ہو گا پورا کوئی تو فصیح​

کیے اس نے ہم سے ہیں وعدے کئی​

​

شاہین فصیح ربانی​

 

[الف عین]

خوب غزل ہے شاہین۔ لیکن مطلع ذرا واضح نہیں

 

[اسامہ جمشید]

واه كيا بات هے

 

[عظیم]

ہنستے ہوں گے وہ بهی اس مجنون پر
ہم ہنسیں جیسے کسی ممنون پر

نکتہ کهینچیں نون کے اوپر سے ہم
جا لگا دیں پیش اوپر خون پر


​