فرحان محمد خان
محفلین
غزل
کل رات جیسے ٹوٹ پڑا آسمانِ شب
تعبیر کو ترستے رہے کشتگانِ شب
آنسو بجھے تو کرمکِ شب تاب ہو گئے
یوں رات بھر چمکتا رہا تھا مکانِ شب
دل نے دعا کو ہاتھ اٹھائے تو گر پڑے
ہونٹوں پہ لفظ ہوتے رہے رائگانِ شب
آنکھوں کو نیند ، نیند کو خوابوں سے بَیر تھا
صبحِ گمان ہوتی رہی بدگمانِ شب
یوں بھی اسے گریز بہت ہے گریز سے
یوں بھی مجھے ملال نہیں تشنگانِ شب
"ہرگز نمیرد آں کہ دِلش زندہ شد بہ عشق "
لمسِ غزال ، حرفِ تسلی ، فغانِ شب
محمودؔ رت جگوں کے تحیّر کی خیر ہو
کمرے میں رقص کرتا رہے امتحانِ شب
کل رات جیسے ٹوٹ پڑا آسمانِ شب
تعبیر کو ترستے رہے کشتگانِ شب
آنسو بجھے تو کرمکِ شب تاب ہو گئے
یوں رات بھر چمکتا رہا تھا مکانِ شب
دل نے دعا کو ہاتھ اٹھائے تو گر پڑے
ہونٹوں پہ لفظ ہوتے رہے رائگانِ شب
آنکھوں کو نیند ، نیند کو خوابوں سے بَیر تھا
صبحِ گمان ہوتی رہی بدگمانِ شب
یوں بھی اسے گریز بہت ہے گریز سے
یوں بھی مجھے ملال نہیں تشنگانِ شب
"ہرگز نمیرد آں کہ دِلش زندہ شد بہ عشق "
لمسِ غزال ، حرفِ تسلی ، فغانِ شب
محمودؔ رت جگوں کے تحیّر کی خیر ہو
کمرے میں رقص کرتا رہے امتحانِ شب
م م مغل