فرحان محمد خان
محفلین
غزل
کس نے دروازے پہ لکھیں اس قدر خاموشیاں
دستکوں کے درمیاں بھی مختصر خاموشیاں
جُنبشِ لب سے سوا مہمان داری ہے غبث
کچھ نہیں پاسِ تواضع کو مگر خاموشیاں
چہرگی کی راکنی پر آئنوں کا اژدہام
سر پٹختی پھر رہی ہیں در بہ در خاموشیاں
وحیّ بے نام و نسب کاغذ پہ اُتری ہی نہیں
اس لیے لکھی نہیں ہیں پیشتر خاموشیاں
سورۂ نشرح سنا کر جن کی لکنت دور کی
اب وہی ہنسنے لگیں مجھ ذات پر خاموشیاں
سیڑھیوں پر نقرئی یادوں کا دامن گیر شور
اور چھت پر چاندنی میں منتظر خاموشیاں
چاندنی میں دائرے بُنتی ہوئی میری غزل
جھیل میں اُتری ہوئی ہیں تا کمر خاموشیاں
صبح دم سگرٹ کے ٹکڑوں سے لپٹ کر سو گئیں
رقص فرماتی رہی تھی رات بھر خاموشیاں
جانے کیوں محمود الجھتی ہی رہی ہیں رات بھر
جگنوؤں سے روشنی کی بات پر خاموشیاں
کس نے دروازے پہ لکھیں اس قدر خاموشیاں
دستکوں کے درمیاں بھی مختصر خاموشیاں
جُنبشِ لب سے سوا مہمان داری ہے غبث
کچھ نہیں پاسِ تواضع کو مگر خاموشیاں
چہرگی کی راکنی پر آئنوں کا اژدہام
سر پٹختی پھر رہی ہیں در بہ در خاموشیاں
وحیّ بے نام و نسب کاغذ پہ اُتری ہی نہیں
اس لیے لکھی نہیں ہیں پیشتر خاموشیاں
سورۂ نشرح سنا کر جن کی لکنت دور کی
اب وہی ہنسنے لگیں مجھ ذات پر خاموشیاں
سیڑھیوں پر نقرئی یادوں کا دامن گیر شور
اور چھت پر چاندنی میں منتظر خاموشیاں
چاندنی میں دائرے بُنتی ہوئی میری غزل
جھیل میں اُتری ہوئی ہیں تا کمر خاموشیاں
صبح دم سگرٹ کے ٹکڑوں سے لپٹ کر سو گئیں
رقص فرماتی رہی تھی رات بھر خاموشیاں
جانے کیوں محمود الجھتی ہی رہی ہیں رات بھر
جگنوؤں سے روشنی کی بات پر خاموشیاں
م ۔ م ۔ مغل