محمد احسن سمیع راحلؔ
محفلین
عزیزانِ من، آداب!
نیا کچھ نہیں سو ایک پرانی غزل ہی پیش خدمت ہے۔ امید ہے آپ احباب اپنی ثمین آرا سے ضرور نوازیں گے۔
دعا گو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جو وفاؤں میں اپنی مثال رکھتا ہے
خدا کا شکر ہے میرا خیال رکھتا ہے!
عجیب شخص ہے، جشنِ وصال میں آکر
سجائے شانوں پر اک غم کی شال رکھتا ہے
تمام شہر بجھاتا ہے جس سے پیاس اپنی
ہمیں وہ دریا بھلا کیوں نڈھال رکھتا ہے
غموں کا سامنا مشکل تو ہے، مگر وہ بھی
ہمارے پیار کی، ہاتھوں میں ڈھال رکھتا ہے
ہے عشق ویسے تو دلچسپ مگر کیا کیجیے
یہ اپنے ساتھ ہزاروں وبال رکھتا ہے!
جہاں پہ ڈوبے تھے ہم، کل وہیں سے ابھریں گے
ٰ’’کہ ہر زمانہ عروج و زوال رکھتا ہے‘‘
تری گلی سے گزرنا بھی اک مصیبت ہے
ہر ایک شخص زباں پر سوال رکھتا ہے
جو پوری ہو نہ سکے غالبا کبھی اے دل
وہی امید تو کیوں اب کے سال رکھتا ہے؟
کٹھن ہے خود کو مٹانا بہت، مگر صاحب!
ہے ایک شخص جو اس میں کمال رکھتا ہے
سنا ہے خشک بیاباں سا دل ہے راحلؔ کا
کچھ اس کے واسطے آنسو سنبھال رکھتا ہے؟
نیا کچھ نہیں سو ایک پرانی غزل ہی پیش خدمت ہے۔ امید ہے آپ احباب اپنی ثمین آرا سے ضرور نوازیں گے۔
دعا گو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جو وفاؤں میں اپنی مثال رکھتا ہے
خدا کا شکر ہے میرا خیال رکھتا ہے!
عجیب شخص ہے، جشنِ وصال میں آکر
سجائے شانوں پر اک غم کی شال رکھتا ہے
تمام شہر بجھاتا ہے جس سے پیاس اپنی
ہمیں وہ دریا بھلا کیوں نڈھال رکھتا ہے
غموں کا سامنا مشکل تو ہے، مگر وہ بھی
ہمارے پیار کی، ہاتھوں میں ڈھال رکھتا ہے
ہے عشق ویسے تو دلچسپ مگر کیا کیجیے
یہ اپنے ساتھ ہزاروں وبال رکھتا ہے!
جہاں پہ ڈوبے تھے ہم، کل وہیں سے ابھریں گے
ٰ’’کہ ہر زمانہ عروج و زوال رکھتا ہے‘‘
تری گلی سے گزرنا بھی اک مصیبت ہے
ہر ایک شخص زباں پر سوال رکھتا ہے
جو پوری ہو نہ سکے غالبا کبھی اے دل
وہی امید تو کیوں اب کے سال رکھتا ہے؟
کٹھن ہے خود کو مٹانا بہت، مگر صاحب!
ہے ایک شخص جو اس میں کمال رکھتا ہے
سنا ہے خشک بیاباں سا دل ہے راحلؔ کا
کچھ اس کے واسطے آنسو سنبھال رکھتا ہے؟
