نصیر ترابی غزل : لذت کشِ آزار رہے میرؔ بھی ہم بھی - نصیر ترابی

[فرحان محمد خان]

غزل
لذتِ کشِ آزار رہے میرؔ بھی ہم بھی
کس شوق سے بیمار رہے میرؔ بھی ہم بھی

ہاتھ آئی نہ ہو زلف کبھی جس کی لپک میں
اک عقدۂ دشوار رہے میرؔ بھی ہم بھی

دِلّی سے بھی کچھ کم تو نہ تھا دل کا اُجڑنا
اک مکتبِ آزار رہے میرؔ بھی ہم بھی

نادار و زبوں حال سہی عشق میں دونوں
یاروں کے مگر یار رہے میرؔ بھی ہم بھی

اوروں نے بڑے نام کیا اُس کی کلی میں
لیکن پسِ دیوار رہے میرؔ بھی ہم بھی

دن بھر تو کسی خواب سے آنکھیں نہیں کھولیں
رات آئی تو بیدار رہے میرؔ بھی ہم بھی

کیا باغ میں جاتے کے نظر بھی نہیں آتے
صحرا میں نمودار رہے میرؔ بھی ہم بھی

ممکن نہیں پہنچے کوئی باتوں کو ہماری
تصویر بہ دیوار رہے میرؔ بھی ہم بھی

دربار سے نسبت ہے بڑی بات نصیرؔم
دربار سے بیزار رہے میرؔ بھی ہم بھی ​

نصیرؔ ترابی
1969ء​