غالب

[جاسمن]

ایسے اشعار جن میں لفظ/نام "غالب" آتا ہو۔

 

[جاسمن]

غالب کا شعر راہِ ادب پر رواں دواں
غالب کا شعر ارضِ ادب کا ہے آسماں
غالب کا شعر خود میں ہے اک پوری داستاں
غالب کا شعر جتنا عیاں اتنا ہے نہاں
غالب کا شعر چہروں پہ رونق سجاتا ہے
موضوعِ عام کو وہ پر ی وش بناتا ہے
غالب کا شعر ہے دلِ نادان کی دوا
حد سے گزر کے بنتا ہے جو درد کی دوا

(شیراز مہدی ضیا)

 

[جاسمن]

غالب ہو مصلحت تو ہر اک مرحلہ طویل
نیت میں ہو خلوص تو منزل ہے دو قدم
نعیم صدیقیؒ

 

[سیما علی]

ہوئی مدت کہ غالبؔ مر گیا پر یاد آتا ہے——
وہ ہر اک بات پر کہنا کہ یوں ہوتا تو کیا ہوتا

 

[سیما علی]

زندگی اپنی جب اس شکل سے گزری غالب
ہم بھی کیا یاد کریں گے کہ خدا رکھتے تھے۔۔

 

[سیما علی]

ہوگا ایسا بھی کوئی جو غالب کو نہ جانے
شاعر تو وہ اچھا ہے پہ بدنام بہت ہے۔

 

[سیما علی]

ہیں اور بھی دنیا میں سخن ور بہت اچھے
کہتے ہیں کہ غالب کا ہے اندازِ بیاں اور۔

 

[سیما علی]

یہ مسائل تصوف یہ تیرا بیان غالب۔
تجھے ہم ولی سمجھتے جو نہ بادہ خوار ہوتا

 

[سیما علی]

آ ہی جاتا وہ راہ پر غالبؔ۔

کوئی دن اور بھی جیے ہوتے

 

[سیما علی]

آئے ہے بیکسی عشق پہ رونا غالبؔ ۔۔۔۔۔
کس کے گھر جائے گا سیلاب بلا میرے بعد

 

[سیما علی]

آتے ہیں غیب سے یہ مضامیں خیال میں
غالبؔ صریر خامہ نوائے سروش ہے۔۔۔

 

[سیما علی]

ادائے خاص سے غالبؔ ہوا ہے نکتہ سرا
صلائے عام ہے یاران نکتہ داں کے لیے