فرخ منظور
لائبریرین
عید کے دن
کوئی شائستۂ وَحشت نہ کوئی اہلِ نظر
وُسعتِ چاکِ گرِیباں کو نَدامت ہی رہی
شمعِ دِیجور کا سینہ ہے اُجالوں کی لَحد
داغ ہائے دلِ ویراں کو نَدامت ہی رہی
آئینہ خانۂ تخّیل ہیں دُھندلائے ہوئے
جَلوۂ حُسنِ فَراواں کو نَدامت ہی رہی
صرف ہونٹوں کا تبسّم تو کوئی بات نہیں
اِن سویروں کے لئے ہم نے بُجھائے تھے چراغ
اِن سویروں پہ تو راتوں کا گُماں ہوتا ہے
عید کا جشن ترے ساتھ مناؤں کیوں کر
دل میں احساسِ مسرت بھی گراں ہوتا ہے
میرے دن رات گزر جاتے ہیں روتے روتے
میری دنیا میں محّرم کا سماں ہوتا ہے
کیا تیرے دَستِ اَثر میں مرے دن رات نہیں
میرے محبوب تری شانِ مسرّت کے نثار
آج تو دردِ مُحبّت کا مداوا دے دے
بات کرنے کو ترستے ہیں خیالوں کے صنم
اب انہیں حوصلۂ عرضِ تمنّا دے دے
میری آ ہوں کو چراغِ رهِ منزل کر دے
میرے نغموں کو گدازِ غمِ فردَا کر دے
کیا ترے پاس کوئی عید کی سوغات نہیں؟
قَابِل اَجمیری
کوئی شائستۂ وَحشت نہ کوئی اہلِ نظر
وُسعتِ چاکِ گرِیباں کو نَدامت ہی رہی
شمعِ دِیجور کا سینہ ہے اُجالوں کی لَحد
داغ ہائے دلِ ویراں کو نَدامت ہی رہی
آئینہ خانۂ تخّیل ہیں دُھندلائے ہوئے
جَلوۂ حُسنِ فَراواں کو نَدامت ہی رہی
صرف ہونٹوں کا تبسّم تو کوئی بات نہیں
اِن سویروں کے لئے ہم نے بُجھائے تھے چراغ
اِن سویروں پہ تو راتوں کا گُماں ہوتا ہے
عید کا جشن ترے ساتھ مناؤں کیوں کر
دل میں احساسِ مسرت بھی گراں ہوتا ہے
میرے دن رات گزر جاتے ہیں روتے روتے
میری دنیا میں محّرم کا سماں ہوتا ہے
کیا تیرے دَستِ اَثر میں مرے دن رات نہیں
میرے محبوب تری شانِ مسرّت کے نثار
آج تو دردِ مُحبّت کا مداوا دے دے
بات کرنے کو ترستے ہیں خیالوں کے صنم
اب انہیں حوصلۂ عرضِ تمنّا دے دے
میری آ ہوں کو چراغِ رهِ منزل کر دے
میرے نغموں کو گدازِ غمِ فردَا کر دے
کیا ترے پاس کوئی عید کی سوغات نہیں؟
قَابِل اَجمیری