فرحان محمد خان
محفلین
عشق دی نوئیوں نویں بہار
عشق دی نوئیوں نویں بہار
جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وج دے ناد ہزار
عشق دی نوئیوں نویں بہار
جاں میں زمز عشق دی پائی
میناں طوطا مار گوائی
اندر باھر ہوئی صفائی
جتول دیکھاں یار و یار
عشق دی نوئیوں نویں بہار
ہیر رانجھے دے ہو گئے میلے
بُھلی ہیر ڈھونڈ یندی بیلے
رانجھا یار بُکل وِچّ کھیلے
مینوں سُدھ رہی نہ سار
عشق دی نوئیوں نویں بہار
بید قرآناں پڑھ پڑھ تھکے
سجدے کر دیاں گھس گئے متھّے
ناں رب تیرتھ ناں رب مکّے
جس پایا تِس نور انوار
عشق دی نوئیوں نویں بہار
پُھوک مُصلٰی بھن سٹ لوٹا
نہ پھڑ تسبیح عاصا سوٹا
عاشق کہندے دے دے ہوکا
ترک حلالوں کھاہ مُردار
عشق دی نوئیوں نویں بہار
عُمر گوائی وچ مسیتی
اندر بھریا نال پلیتی
کدے نماز توحید نہ نیتی
ہُن کیہ کرنائیں سور پُکار
عشق دی نوئیوں نویں بہار
عشق بُھلا سجدہ تیرا
ہُن کیوں اینویں پاویں جھیڑا
بُلھّا ہندا چُپ بتیرا
عشق کریندا مارو مار
عشق دی نوئیوں نویں بہار
عشق دی نوئیوں نویں بہار
جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وج دے ناد ہزار
عشق دی نوئیوں نویں بہار
جاں میں زمز عشق دی پائی
میناں طوطا مار گوائی
اندر باھر ہوئی صفائی
جتول دیکھاں یار و یار
عشق دی نوئیوں نویں بہار
ہیر رانجھے دے ہو گئے میلے
بُھلی ہیر ڈھونڈ یندی بیلے
رانجھا یار بُکل وِچّ کھیلے
مینوں سُدھ رہی نہ سار
عشق دی نوئیوں نویں بہار
بید قرآناں پڑھ پڑھ تھکے
سجدے کر دیاں گھس گئے متھّے
ناں رب تیرتھ ناں رب مکّے
جس پایا تِس نور انوار
عشق دی نوئیوں نویں بہار
پُھوک مُصلٰی بھن سٹ لوٹا
نہ پھڑ تسبیح عاصا سوٹا
عاشق کہندے دے دے ہوکا
ترک حلالوں کھاہ مُردار
عشق دی نوئیوں نویں بہار
عُمر گوائی وچ مسیتی
اندر بھریا نال پلیتی
کدے نماز توحید نہ نیتی
ہُن کیہ کرنائیں سور پُکار
عشق دی نوئیوں نویں بہار
عشق بُھلا سجدہ تیرا
ہُن کیوں اینویں پاویں جھیڑا
بُلھّا ہندا چُپ بتیرا
عشق کریندا مارو مار
عشق دی نوئیوں نویں بہار
بابا بلھے شاہ