صوفیاء دا پنجابی کلام

[عاصم ملک]

جاوید بھرا میں تے اونج ہی اکھیا سی مینڈا مطلب اے سی کے تسی اپنے سوہنے سوہنے پیغامات نال دل لٹ لیا اے محفل دا تے ساڈا ساتھ تہاڈے نال روہے گا انشاء اللہ تے اے سلسلہ چلدارہیوے گا۔

 

[جاویداقبال]

السلام علیکم ورحمۃ اللہ وبرکاتہ،
میں وی تاں بھراعاصم، مزاق نال ای لکھیاواں ۔ ایہہ تاں تہڈے جئے بھراواں دیاں دعاواں تے کوششاں واں۔

رب سوہنے دے حوالے۔


والسلام
جاویداقبال

 

[عاصم ملک]

اے ہوئی ناں بھراواں آلی گل

 

[جاویداقبال]

السلام علیکم ورحمۃ اللہ وبرکاتہ،

باجھ حضوری نہیں منظوری توڑے پڑھن صلاتاں ہو
روزے نفل نمازگزارن جاگن ساریاں راتاں ہو
باجھوں قلب حضورنہ ہووے کڈھن سئے زکاتاں ہو
باجھ فنارب حاصل باہونہ تاثیرجماتاں ہو
==============================================
حضوری=وحدت دامقام۔ربانے راہ دے راہی خلقت کولوں غافل ہوکے حق تعالی دی کچہری وچ حاضرہونا۔اوسے نال اولالینا۔
منظوری = رسائی۔ڈھوئی۔نظراں اگے رہن تے کول وسن داحق
توڑے=خواہ۔بھانویں
صلاتاں=نمازاں
نمازگزارنا=نمازنوں پورے ارتھاں نال اداکرنا۔نمازپڑھنا
باجھ=باجھوں = بغیر۔ بناں
قلب=صفائے قلب۔دل دی صفائی(2) عربی مادہ قلب=بدلنا۔اپنے اندرتبدیلی لے آؤنا۔انقلاب ۔ قلب ماہیت
ہیھٹلی اتے تے اتلی ہیٹھاں لے آؤنا۔جیون وچ ادنی دنیاوی قدراں چھڈکے اعلی ارفع قدراں لئ ڈٹ جانا۔۔۔۔قلب اک نواری جوہراے جیہڑامادے توں پاک اے۔اتے روح تے نفس دے وچکاری کوئی چیزاے۔مکمل صوفیانہ تشریح لئ دیکھودلبراں مصنفہ حضرت سیدشاہ محمدذوتی
حضور=حضوری دی حالت۔ لاصلوۃ الابحضورالقلب
فنا=(اللہ دی ذاب وچ اینامگن ہوجاناکہ اپنی ہوش نہ رہے۔اپنی ہوندداشعورنہ رہے(2)اپنے نفس نوں مارنا۔(3)فنافی الذات ہوجانا
جماتاں=جماعت نال اداکیتیاں نمازاں
آخری مصرعے دا"نہ"وہ ہیں پاسیں ورتیج رہیااے۔نہ جماتاں وچ ای تاثیراے نہ رب ای حاصل اے۔
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

جت دہاڑے دھن وری ساہے لئے لکھاء
ملک جے کنی سنیندا مونھ دکھالے آء
جندنمانی کڈھیے ہڈاں کوں کڑکاء
ساہے لکھے، نہ چلنی، جندو کوں سمجھاء
جند ووہٹی، مرن ور، لے جاسی پرناء
آپن ہتھی جول کے کیں گل لگے دھاء
والوں نکی پرسلات کنیں نہ سنی آء
فریدا کڑی پوندی ای کھڑانہ آپ مہاء
بابافریدگنج شکر(رحمۃ اللہ علیہ)
==================================
جت=جس ۔ جیسے ۔ جت ول یعنی جس طرف
دہاڑے=روز۔ دن
دھن= عورت۔بیوری
وری=بیاہی گئی۔ شادی ہوگئی۔
ساہے=شادی کی تاریخ مقررہ
ملک=موت کافرشتہ۔عزرائیل
کنی=کانوں سے
جند=جان۔ زندگی
نمانی=بے چاری، عاجز، مسکین
ہڈاں=ہڈیوں
کڑکاء=توڑکے
چلنی=چل سکتی۔ ٹل سکتی
کوں=کو
مرن=موت
ور=دولہا۔خاوند
پرناء=بیاہ کے۔شادی کرکے
آپن=اپنے
جول کے=روانہ کرکے رخصت کرکے
کیں=کس کے۔

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

در درویشی گاکھڑی ، چلاں دنیا بہت
بنھ اٹھائی پوٹلی کتھے ونجاں گھت

بابافریدشکرگنج(رحمۃ اللہ)
=================================
در= دروازہ۔ راستہ ۔ منزل
گاکھڑی = مشکل ۔ تکلیف دہ
بہت = کی طرح ۔جیسا
بنھ = باندھ کر
پوٹلی = گٹھڑی
ونجاں=جاؤں
گھت = ڈال کر
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

ربا میرے حال دن محرم توں!
اندرتوں ہیں ، باھرتوں ہیں، روم روم وچ توں
توں ہیں تانا، توں ہیں بانا، سبھ کجھ میرا توں
کہے حسین فقیر نماناں، میں ناہیں، سب توں
(شاہ حسین)
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

1۔ اللہ رتادل میرا
مینوں ب دی خبر نہ کائی
ب پڑھیاں کجھ سمجھ نہ آوے
لذت الف دی ائی
ع تے غ دا فرق نہ جاناں
ایہہ گل الف سجھائی
بلھیا! قول الف دے پورے
جیہڑے دل دی کرن صفائی
بلھے شاہ(رحمۃ اللہ علیہ)
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،
کالیں جنھیں نہ روایا دھولیں راوے کو
کرسائیں سیئوں پرہڑی رنگ نویلاہو
===============================
کالیں=سیاہ بالوں کے وقت جوانی کے وقت
جنھیں=جس نے
راویا=راضی کیا۔رجھایا
دھولیں=جب بال سفیدہوگئے یعنی بڑھاپا
سائیں=مالک ۔ محبوب
پرہڑی=محبت۔پیار۔پریت
نویلا=نیا
بابافرید(رحمۃ اللہ علیہ)
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

لوڑے داکھ بجوڑیاں ، ککر بیجے جٹ
ہنڈھے ان کتائے دا، پیدھا لوڑے پٹ
============================
لوڑے=تلاش کریں۔ ڈھونڈیں
داکھ= انگور
بجوڑیاں=باجوڑ کے علاقے سے
ککر=کیکرکادرخت
ہنڈے=پھرتاہے
ان=اون
کتائے دا=کتاتاپھرتا
پیدھا=پہنتا
لوڑے=چاہتاہے
پٹ=ریشم

بشکریہ اپناآرگ


والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،


ب ت پڑھ کے فاضل ہوئے الف نہ پڑھیا کسے ہ۔۔۔۔۔۔۔۔۔و
جیں پڑھیا تیں شوہ نوں لدھ۔۔۔۔ا جاں پڑھیا کجھ تسے ہو
چوداں طبق کرن رشنائی انھیاں کجھ نہ دسے ہو
باجھ وصال اللہ دے باہ۔۔۔۔۔و سب کہانیاں قص۔۔ے ہو
===========================================
ب۔ت=توں الگ دوجے ہواکھر(ماسوااللہ)
ا=اسم ذات اللہ دا پہلاحرف۔ خدادی وحدانیت ایکتادی علامت
جیس پڑھیا=اوہنے پڑھیااے جنھوں شوہ لبھ پیااے۔یااوس نےپڑھیاجنھوں کوئی بھکھ پیاس(دنیادی لوڑ)اے
تسے=پیاسے=تریہائے
اٹھے=جیہڑے بصیرت(دل دی اکھ) نہیں رکھدے
قصے کہانیاں=غیرحقیقی بیان۔جھوٹھیاں گلاں باتاں

بشکریہ اپناآرگ


والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،
حجاب کریں درویشی کولوں کدتک حکم چلادیں گا
گل الفی سرپا برہنہ، بھلکے روپ وٹاویں گے
اس لالچ نفسانی کولوں اوڑک مون مناویں گا
گھاٹ زکوۃ منگن گے پیادے، کہہ کیہہ عمل دکھاویں گا
آن بنی جد سرپربھاری، اگوں کیہہ بتلاویں گا
حجاب کریں درویشی کولوں، کد تک حکم چلاویں گا
حق پرایاجاتو ناہیں، کھاکربھار اٹھاویں گا
پھیرنہ آکربدلہ دیسیں لاکھی کھیت لٹاویں گا
داء لاکے وچ جگ دے جوئے جتے دم ہراویں گا
حجاب کریں درویشی کولوں کد تک حکم چلاویں گا
جیسی کرنی ویسی بھرنی پریم نگرورتاراہے
ایتھے دوزخ کٹ توں دلبر اگے گل بہاراہے
کیسربیج جوکیسر جمے، لہسن بیج کیہہ کھاویں گا
حجاب کریں درویشی کولوں کد تک حکم چلاویں گا
کروکمائی میرے بھائی ایہو وقت کماون دا
یوں ستاراں پیندے نیں ، ہن داء نہ بازی ہارن دا
اجڑی کھیڈ چھین گیاں نرداں جھاڑدکان اٹھاویں گا
حجاب کریں درویشی کدتک حکم چلاویں کا
کھاویں ماس چباویں بیڑے انگ پوشاک لگائی اے
ٹیڈھی پگڑی آکڑچلیں جتی پیر اڑائی اے
پلدا ہیں توں جم دا بکر اپنا آپ کوہاویں گا
حجاب کریں درویشی کولوں کد تک حکم چلاویں گا
پل دا واساوسن ایتھے رہن نوں اگے ڈیرا ہے
لے لے تحفے گھرنوں گھلیں ایہوویلاتیراہے
اوتھے ہتھ نہ لگداکجھ وی، ایتھوں ای لے جاویں گا
حجاب کریں درویشی کولوں کد تک حکم چلاویں گا
پڑھ سبق محبت اوسے دا توں بے موجب کیوں ڈبناں ایں
پڑھ پڑھ قصے مغزکھپاویں کیوں کھبھن وچ کھبھناں ایں
حرف عشق دا اکونکتہ کاں کواٹھ لداویں گا
حجاب کریں درویشی کولوں کدتک حکم چلاویں گا
اماں، بابا، بیٹی ، بیٹا، پچھ ویکھاں کیوں روندے نی
رناں، کنجکاں، بھیناں، بھائی،وارث آن کھلوندے نی
ایہہ جولٹدے توں نہیں لٹدا مرکے آپ لٹاویں گا
حجاب کریں درویشی کولوں کدتک حکم چلاویں گا
اکلیاں ایتھوں جاناہے تے کوئی سنگ نہ جاوے گا
خویش قبیلہ روندا پٹدا راہوں ہی مڑ آوے گا
شہروں باہر جنگل وچ واسا اوتھے ڈیرا پاویں گا
حجاب کریں درویشی کولوں کدتک حکم چلاویں گا
کراں نصحیت وڈی جے کوئی سن کردل تے لاوے گا
موئے تاں روزحشر نوں اٹھن عاشق نہ مرجاوے گا
جے توں مریں مرن توں اگے مرنے دا مل پاویں گا
حجاب کریں درویشی کولوں کدتک حکم چلاویں گا
راہ شرع جاں پگڑیں گاتاں اوٹ محمدی ہووے گی
کہندی ہے پرکردی ناہیں ایہو خلقت رو وے گی
ہن ستیاں تینوں کون جگائے جاگدیاں پچھتاویں گا
حجاب کریں درویشی کولوں کدتک حکم چلاویں گا
جے توں ساڈے آکھے لگیں تینوں تخت بہاواں گے
جس نوں سارا عالم ڈھونڈے تینوں آن ملاواں گے
زہدی ہو کے زہد کماویں لے پیا گل لاویں گا
حجاب کریں درویشی کولوں کدتک حکم چلاویں گا
اینویں عمر گوائی آ اوگت عقبت چا رڑھائی اے
لالچ کرکر دنیا اتے مکھ سفیدی آئی اے
اجے وی سن جے تائب ہوویں تاں اشنا سداویں گا
حجاب کریں درویشی کولوں کدتک حکم چلاویں گا
بلھاشوہ دے چلنا ایں تاں چل کیہاچر لایاہے
جکو دھکے کیہہ کرنے جاں وطنوں دفترآیاہے
واچدیاں خط عقیل گیو ای، رو روحال ونجاویں گا
حجاب کریں درویشی کولوں کد تک حکم چلاویں گا
بلھے شاہ(رحمۃ اللہ علیہ)
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

ویلاسمرن دانی ، اٹھی رام دھیائے
ہتھ ملے مل پچھوتاسی، جدویسی آوقت وہائے
اس تڑے توں بھربھرگئیاں توں بھی اپنی وارلنگھائے
اکناں بھریا، اک بھر گئیاں اک گھرے اک راہے
کہے حسین فقیرسائیں دا آتن پھیرا پائے
=============================
سمرن= عبادت
رام دھیائے= اللہ کانام لیں
وہائے= گزرگیا
وار= باری

شاہ حسین

بشکریہ اپناآرگ



والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

گلئیں چکڑ، دور گھر، نال پیارے نینہہ
چلاں تاں بھجے کمبلی رہاں تاں ٹٹے نینہہ
بھجو سجو کمبلی! اللہ ورسو مینہہ!
جاء ملاں تنہاں سجناں، ٹٹو ناہیں ننیہہ
===============================
گلئیں=گلیوں میں
چکڑ=کیچر
نال پیارے=محبوب کے ساتھ
نینہہ=محبت
بھجے=گیلی ہوجائے اس پرداغ پڑجائیں۔
رہاں=نہ جاؤں۔ رک جاؤں
ٹٹے نینہہ=محبت ٹوٹ جائے گی
بھجو=بھیگ جائے
سجو=گیلی ہوجائے
ورسو=برسے
جاملاں=میں جاکرمل لوں
تنہاں سجناں=ان محبوب کو
ٹٹوناہیں=ٹوٹ نہ جائے
نینہہ=محبت
بابافرید(رحمۃ اللہ علیہ)

بشکریہ اپناآرگ


والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

پاٹادامن ہویا پرانا کچرک سینوے درزی ہ۔۔۔و
حال دا محرم کوئی نہ ملیا جوملیاسوغرضی ہو
باجھ مربی کسے نہ لڈھی گجھی مرض اندر دی ہو
اوسے راہ ول جائیے باہو جس تھیں خلقت ڈر دی ہو
سلطان باہو(رحمۃ اللہ علیہ)
پاٹادامن=جیوں دی لیراں کھیراں ہوئی جھولی
کچرک=کناکوچر۔کدوں تائیں
درزی=تدبیرتے حیلے وسیلے داجانو
محرم=بھیتی ۔ جانو۔محبوب
غرضی=خودغرضی۔مطلبی۔سوارتھی
باجھ=بغیر۔بناں
مربی=(مرادی سنے)کامل مرشد۔رسول کریم(صلی اللہ علیہ والہ وسلم) مربی دے لفظی معنی
لڈھی=لبھی ۔ پائی۔ حاصل کیتی
گجھی=پوشیدہ۔عام نظراں تواوہلے
مرض=روگ۔بیماری
اندردی=من دی۔ہردے دی
اوسے راہ=عشق دے راہ۔

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

جت ول مینڈا مترپیارا، اوتھے ونج آکھیں میری عاجزی دو
جوگن ہوواں دھوواں پاواں تیرے کارن مین مرجاواں تیں ملیاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔میری تازگی دو
راتیں درد وہیں درماندی مرن اساڈا واجبی دو
لٹاں کھول گلے وچ پائیاں میں بیراگن آودی دو
جنگل بیلے پھراں ڈھونڈنیدی ،کوک نہ سکاں ماری لاج دی دو
کہے حسین فقیر سائیں دا، راتیں دھیں میں جاگدی دو

شاہ حسین (رحمۃ اللہ )


بشکریہ اپناآرگ


والسلام
جاویداقبال

 

[طاہر]

بابابلھے شاہ دا اک شعر مینوں بڑا ای پسند اے

اِٹ کھڑکے دُکڑ وجے ککڑ بولے تتہ ہووے چُلھا
لوکی آوننڑ کھا کھا جاوننڑ راضی ہووے بُلھا

 

[جاویداقبال]

السلام علیکم ورحمۃ اللہ وبرکاتہ،

باہوباغ بہاراں کھڑیانرگس ناز شرم دا ہو
دل وچ کعبہ سہی کیتوسے، پاکوں پاک پرم دا ہو
طالب طلب طواف تمامی حب حضور حرم دا ہو
گیاحجاب تھیوسے حاجی بخشیوس راہ کرم دا ہو
سلطان باہو

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،
کلام بلھے شاہ(رحمۃ اللہ علیہ)
نت پڑھنا ایں استغفار
کیسی توبہ ہے ایہہ یار
سانویں دے کے لویں سوائی
وادھیاں دی توں بازی لائی
مسلمانی ایہہ کتھوں آئی
ایہہ تیرے کردار
نت پڑھنا ایں استغفار
کیسی توبہ ہےایہہ یار
جتھے نہ جانا اوتھے جائیں
مال پرایامونہہ دھر کھائیں
کوڑ کتاباں سرتے چائیں
ایہہ تیرا اتبار
نت پڑھناایں استغفار
کیسی توبہ ہے ایہہ یار
ظالم ظلموں ناہیں ڈر دے
اپنے عملیں آپے مردے
مونہوں توبہ، دلوں نہ کردے
ایتھے اوتھے ہوون خوار
نت پڑھنا ایں استغفار
کیسی توبہ ہے ایہہ یار
سو دن جیویں اک دن مرسیں
اس دن خوف خدا دا کرسیں
اس توبہ تھیں توبہ کرسیں
ایہہ توبہ کس کار
نت پڑھنا ایں استغفار
کیسی توبہ ہے ایہہ یار
بلھا شوہ دی سنو حکایت
ہادی پھڑیاں ہوئی ہدایت
میرا سائیں شاہ عنایت
اوہو لنگھا دے پار
نت پڑھنا ایں استغفار
کیسی توبہ ہے ایہہ یار

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

کجھ نہ بجھے، کجھ نہ سجھے، دنیا گجھی بھاہ
سائیں میرے چنگا کیتا نئیں تاں منبھی وجھاں ہا
===============================
کجھ=کچھ
بجھے=جانے۔بوجھاجائے
سجھے=سجھائی دے۔
گجھی=پوشیدہ۔خفیہ
بھاہ=آگ
سائیں=مالک۔خدا
نئیں تاں=نہیں تو
ہنبھی=میں بھی
وجھاں ہا=جل جاتا

بشکریہ اپناآرگ


والسلام
جاویداقبال