فراز صحرا تو بوند کو بھی ترستا دکھائی دے

[حسان خان]

صحرا تو بوند کو بھی ترستا دکھائی دے​

بادل سمندروں پہ برستا دکھائی دے​

​

اس شہرِ غم کو دیکھ کے دل ڈوبنے لگا​

اپنے پہ ہی سہی کوئی ہنستا دکھائی دے​

​

اے صدرِ بزمِ مے تری ساقی گری کی خیر​

ہر دل بسانِ شیشہ شکستہ دکھائی دے​

​

گر مے نہیں تو زہر ہی لاؤ کہ اس طرح​

شاید کوئی نجات کا رستہ دکھائی دے​

​

اے چشمِ یار تو بھی تو کچھ دل کا حال کھول​

ہم کو تو یہ دیار نہ بستا دکھائی دے​

​

جنسِ ہنر کا کون خریدار ہے فراز​

ہیرا، کہ پتھروں سے بھی سستا دکھائی دے​

​

(احمد فراز)​