loneliness4ever
محفلین
شعلہ سامان کھلونوں سے بہل جاتا ہے
ہائے انسان کھلونوں سے بہل جاتا ہے
حسن ِبت ساز کھلونوں کا پرانا خالق
عشق انجان کھلونوں سے بہل جاتا ہے
ہم بہرحال حقیقت کو سمجھ لیتے ہیں
دل ہے نادان کھلونوں سے بہل جاتا ہے
جو ترے غم کی ندامت نہ اٹھا سکتا ہو
وہ پشیمان کھلونوں سے بہل جاتا ہے
موج ِ گریہ سے لپٹ جاتے ہیں وعدے ان کے
غم کا طوفان کھلونوں سے بہل جاتا ہے
چشم ِ ساغر کو نہیں خواہش ِ جنت واعظ
تیرا ایمان کھلونوں سے بہل جاتا ہے
ساغر صدیقی