شبِ ہجر وہ دم بدم یاد آئے بہت یاد آ کر بھی کم یاد آئے (معظم جاہ شجیع)

[عدیل ہاشمی]

شبِ ہجر وہ دم بدم یاد آئے
بہت یاد آ کر بھی کم یاد آئے

اک ایسا بھی گزرا ہے فرقت میں‌ عالم
نہ تم یاد آئے نہ ہم یاد آئے

کرم پر فدا دیدہ و دل تھے لیکن
کرم سے زیادہ ستم یاد آئے

تیری یاد جب آئی تنہا ہی آئی
خوشی یاد آئی نہ غم یاد آئے

زمانہ انہیں یاد کرتا ہے لیکن
انہیں یاد آئے تو ہم یاد آئے

شجیعؔ آج تنہا چمن میں‌ گئے تھے
بہت ان کے نقشِ قدم یاد آئے

معظم جاہ شجیع