محمد وارث
لائبریرین
شاہ صاحب، یہاں میں نے نہ تو مذہبی حدود و قیود کو گھٹن کہا اور نہ ان سے چھٹکارے کو تازہ ہوا کا جھونکا بلکہ ہر معاشرے میں بالعموم جو غیر ضروری قیود ہوتی ہیں ان کا ذکر ہے جیسا کہ ذکر بھی کیا تھا کہ ڈنڈے لے کر سڑکوں پر نکل جانا اور نیو ایئر منانے والوں کی گاڑیوں کے شیشے توڑنا اور ان کو زد و کوب کرنا، یہ کوئی مذہبی طریقہ نہیں ہے بلکہ خود ساختہ جبری نافذ کی ہوئی مصنوعی گھٹن ہے۔
سعودی عرب کا ذکر اہم اس لیے ہے کہ بہت سے عام مسلمانوں کے لیے سعودی عرب ایک رول ماڈل ہے، اور ان کے نزدیک شاید مثالی اسلام سعودی عرب ہی میں نافذ ہے جیسا کہ بہت سے حضرات جب اپنے مطلب کی ایسی کوئی بات آتی ہے تو یہی ظاہر کرواتے اور منواتے پھرتے ہیں۔
