رحمت دا دریا الٰہی ہر دم وگدا تیرا

Pakblogger

محفلین
رحمت دا دریا الٰہی ہر دم وگدا تیرا

جے اِک قطرہ بخشے مینوں

کم بن جاوے میرا

جے میں ویکھا ں عملاں ولّے

کچھ نئیں میرے پلّے

جے میں ویکھاں تیری رحمت ولے

بلّے بلّے بلّے

خَش خَش جِتنا قَدر نہ میرا

میرے صاحب نوں وڈیائیاں

میں گلیاں دا روڑا کوڑا

محل چڑھایا سائیاں

میں نیواں میرا مُرشد اُچّا

میں اُچّیاں دے سنگ لائی

صدقے جانواں اِیناں اُچّیاں تائیں

جِناں اساں نیویاں نال نِبھائی

مُرشِد دے دُوارے اُتّے

محکم لائیئے چوکاں

نَوَیں نَوَیں نہ یار بنائیئے

وانگ کمینئیاں لوکاں

چپ رَہ سیں تے موتی مِل سَن

صبر کریں تا ھیرے

پاگلاں وانگوں رَولا پاویں

نہ موتی نہ ھیرے

اللّٰه نبی ﷺ نام لیئے اللّٰه نبی ﷺ دا
🌹🌹🌹🌹🌹
طالبِ دعا یوسف داؤد

پیش کش
وقار کی ڈائری
 
Top