محمد شان محسن
محفلین
رازِ حیات
تیرے درد کی کہانی مرا راز زندگانی
ترے حسن کا فسانہ ہے مرا غم نہانی
مرا راز ہے اگر تو تو میں ہوں تیری نشانی
نہ تری حیات فانی نہ مری حیات فانی
کروں دید کی طلب کیوں سنوں کیوں میں لن ترانی
ہے ابھی مری نظر میں وہ ادائے من رآنی
میں تجھے ازل میں کھو کر رہا عمر بھر تڑپتا
اسی جستجو میں آخر بجھی شمع زندگانی
مری تیرہ بختیوں کی نہ مٹی کبھی سیاہی
رہی عمر بھر فروزاں میری شمع زندگانی
وہی بے قراریاں ہیں وہی اضطراب اس کا
بجز اس کے کیا ہے حیرتؔ دل راز کی کہانی
حیرت شاہ وارثی