دل لہو ہوتا ہے ہو، آنکھیں لہو مت کیجیو ۔ نسیم سید

[فرخ منظور]

دل لہو ہوتا ہے ہو، آنکھیں لہو مت کیجیو​

چاہتی ہے جو یہ دنیا وہ کبھو مت کیجیو​

​

رہیو محوِ گفتگو اک آرزو سے را ت دن​

آرزو جب روبرو ہو، گفتگو مت کیجیو​

​

جا نیو اس کو تبرک، بارگاہِ عشق کا​

جب مسک جائے کو ئی دھڑکن، رفو مت کیجیو​

​

سورہء یوسف ہے و ہ رخ دید کو تاکید ہو​

ایسے چہرے کی تلا وت بے وضومت کیجیو​

​

مدعا کہہ کر سبک سر کیجیو مت عشق کو​

اس انا خو کی انا کو سر خرو مت کیجیو​

​

بے نسب آواز کا مت دیجیو ہر گز جواب​

اپنے لہجے کو کبھی بے آبرو مت کیجیو​

​

دربدر،کاسہ بہ کف، شہرت گزیدوں کا یہ غول​

ان سے عبرت لیجیو، یہ ہاؤ ہو مت کیجیو​

​

چاک پر کیسے ڈھلا ہے کون، کس آوے کا ہے​

جا نیو سب، آئینہ پر روبرو مت کیجیو​

​

(نسیم سیّد)​