علی سردار جعفری دعائے مغفرت برائے ہمشیرہ - علی سردار جعفری

[حسان خان]

دعائے مغفرت​

برائے رباب جعفری​

ہمشیرۂ علی سردار جعفری​

​

ربابِ درد ہے خاموش دل کے تاروں میں​

نہ کوئی نغمۂ جانکاہ ہے نہ شعلۂ آہ​

بس ایک اشک کا قطرہ ہے بھیگی پلکوں پر​

تمہارے کربِ مسلسل کے خاتمے کا گواہ​

سکون کہتا ہے چہرے کا باغِ جنت سے​

جنابِ فاطمہ زہرا کی پڑ رہی ہے نگاہ​

تمہارا زادِ سفر عشقِ اہلِ بیتِ رسول​

تمہاری دولتِ ایماں تمہارا توشۂ راہ​

جوارِ رحمتِ حق میں ملے جگہ تم کو​

بحق اشہد ان لا الٰہ الا اللہ​

(علی سردار جعفری)​

۱۹۹۷ء​

 

[شمشاد]

انا للہ و انا الیہ راجعون۔

 

[سید زبیر]

انا للہ و انا الیہ راجعون۔​