خادم حسین رضوی اور پیر افضل قادری کی درخواست ضمانت منظور

[جاسم محمد]

خادم حسین رضوی اور پیر افضل قادری کی درخواست ضمانت منظور
ویب ڈیسک منگل 14 مئ 2019

لاہور ہائی کورٹ کا ملزمان کو پانچ پانچ لاکھ روپے کے مچلکے جمع کرانے کا حکم فوٹو:فائل

لاہور: ہائیکورٹ نے تحریک لبیک پاکستان کے سربراہ خادم حسین رضوی اور مرکزی رہنما پیر افضل قادری کی درخواست ضمانت منظور کرلی۔

جسٹس قاسم علی خان اور جسٹس اسجد جاوید گھرال پر مشتمل لاہور ہائیکورٹ کے دو رکنی بنچ نے خادم حسین رضوی اور پیر افضل قادری کی درخواست ضمانتوں کی سماعت کی۔

عدالت نے فیصلہ سناتے ہوئے ٹی ایل پی کے دونوں رہنماؤں کی درخواست ضمانت 15 جولائی تک منظور کرتے ہوئے انہیں رہا کرنے کا حکم دے دیا۔ ہائی کورٹ نے درخواست گزاروں کو پانچ پانچ لاکھ کے مچلکے جمع کرانے کا حکم دیا۔ ہائیکورٹ نے ملزمان اور استغاثہ کے دلائل مکمل ہونے پر 10 مئی کو فیصلہ محفوظ کیا تھا۔

واضح رہے کہ خادم حسین رضوی اور پیر افضل قادری سمیت پارٹی کے اہم رہنماؤں کے خلاف بغاوت اور دہشت گردی کے مقدمات درج ہیں۔ گزشتہ دنوں ہی پیر افضل قادری نے ججز اور فوج کے خلاف متنازع تقریر پر معافی مانگتے ہوئے تحریک لبیک چھوڑنے کا اعلان کیا تھا۔

 

[محمد خلیل الرحمٰن]

جو چاہے "آآآپپپ" کا حسنِ کرشمہ ساز کرے​

 

[جاسم محمد]

جو چاہے "آآآپپپ" کا حسنِ کرشمہ ساز کرے​

امید ہے اب علما برادری ان علما کرام سے عبرت حاصل کرے گی۔ اور آئندہ ریاست پاکستان سے ٹکر لینے کی جرات نہیں کرے گی۔

 

[محمد خلیل الرحمٰن]

"سبھی کچھ ہے تیرا دیا ہوا، سبھی کلفتیں سبھی راحتیں"​

 

[محمد خلیل الرحمٰن]

تجھ سے سرکش ہوا کوئی تو بگڑ جاتے تھے
تیغ کیا چیز ہے ہم توپ سے لڑ جاتےتھے

پھر بھی ہم سے یہ گلہ ہے کہ وفادار نہیں
ہم وفا دار نہیں تو بھی تو دلدار نہیں

 

[جاسم محمد]

خادم حسین رضوی اور پیر افضل قادری کی ضمانت ہونا بدقسمتی ہے: فواد چوہدری
’علما کے نام پر جو پسماندگی مسلط ہے اگر اس پر نہ بولے تو ہم افغانستان بن جائیں گے‘۔
مونا خان نامہ نگار، اسلام آباد mona_qau@
جمعرات 16 مئی 2019 8:45

وفاقی وزیر برائے سائنس و ٹیکنالوجی فواد چوہدری نے کہا ہے کہ پاکستان میں مذہبی طبقے کو پہلے ہی کافی آزادی دے چکے جس کی وجہ سے بہت مسائل پیدا ہوئے ہیں۔

بدھ کو انڈیپنڈنٹ اردو سے خصوصی گفتگو میں فواد چوہدری کے کہا: ’علما کے نام پر جو پسماندگی ہمارے اوپر مسلط کی جاتی ہے اگر اس پر بولیں گے نہیں تو ہم افغانستان بن جائیں گے۔‘

فواد چوہدری نے تحریک لبیک پاکستان کے رہنماؤں خادم حسین رضوی اور افضل قادری کی جیل سے حالیہ رہائی کو بدقسمتی قرار دیتے ہوئے بتایا کہ حکومت نے دونوں رہنماؤں کی رہائی کے فیصلے کی خلاف اپیل کی ہے۔

خادم حسین رضوی کو لاہور ہائی کورٹ کے حکم پر بدھ کو کوٹ لکھپت جیل سے رہا کیا گیا۔

فواد چوہدری نے کہا کہ اگرعدالتیں حکومت کا ساتھ نہیں دیں گی تو شدت پسندی ختم نہیں ہوگی۔ ’فوجی عدالتیں اس لیے ہی بنتی ہیں کہ عام عدالتیں اپنا کردار ادا نہیں کرتیں اور فوج اس لیے حکومت میں آتی ہے کیونکہ سول ادارے اپنا کردار صحیح سے ادا نہیں کرتے۔ سول اداروں کو اپنی ذمہ داری سمجھنی چاہیے۔‘

ڈگری وکالت کی اور وزارت سائنس و ٹیکنالوجی؟

اپنے نئی وزارت کے بارے میں انہوں نے کہا آئی آٹی کی وزارت پر پہلے کوئی بات نہیں ہوتی تھی لیکن جب سے میں نے عہدہ سنبھالا ہے تو سائنس اور ٹیکنالوجی پر بہت بات ہوتی ہے۔

انہوں نے کہا کہ اُن کی وکالت کی ڈگری کا سائنس سے کوئی تعلق نہیں اور نہ ہی وزارتِ سائنس و ٹیکنالوجی کا سائنس سے کوئی تعلق ہے۔

’سیاسی حکومتیں اپنا وِژن دیتی ہیں اورجو تکنیکی معاملات ہیں وہ سائنس دان یا ٹیکنالوجی کے لوگ چلائیں گے۔ وزیر کا متعلقہ وزارت سے وابستہ ہونا اس لیے بھی ضروری نہیں کہ متعلقہ وزارت سے تکنیکی معاونت مل جاتی ہے۔‘

گذشتہ ہفتے فواد چوہدری نے اعلان کیا تھا کہ ہر سال رمضان اور عید کے چاند کو دیکھنے کا تنازع ختم کرنے کے لیے انہوں نے کمیٹی بنائی ہے جو قمری کیلنڈر تیار کرے گی۔

انہوں نے بتایا کہ حکومت ایک ایپ بھی بنا رہی ہے جس میں لوگ چاند دیکھ بھی سکیں گے۔ ’یہ ایپ آپ کو بتا دے گی کہ چاند اس وقت کس زاویے پر اورکہاں ہے۔ پھر آپ اپنے علاقے میں آسانی سے دیکھ سکیں گے کہ چاند کہاں ہے۔‘

’تاہم یہاں دو نقطہ نظر ہیں امام حنبل کا نقطہ نظر ہے کہ چاند ننگی آنکھ سے دیکھنا چاہیے، جبکہ امام شافعی کا ماننا ہے کہ ننگی آنکھ سے دیکھنا ضروری نہیں۔ اب اسلامی نظریاتی کونسل اور کابینہ نے فیصلہ کرنا ہے کہ وہ کس امام کا نقطہ نظر مانیں گے۔‘

سرکاری سکولوں میں تکنیکی تعلیم کی کمی کے بارے میں فواد چوہدری نے کہا سکولوں میں کوئی تکنیکی تعلیم نہیں دی جا رہی لہذا انہوں نے فیصلہ کیا ہے کہ سٹیم (سائنس، ٹیکنالوجی، انجینرنگ اور ریاضی) ایجوکیشن متعارف کرائیں گے۔

انہوں نے کہا 15 سو سے زائد سرکاری سکولوں میں سٹیم کی تعلیم دی جائے گی اور پانچ سالوں میں ایسے بچے تیار کریں گے جو ٹیکنالوجی انقلاب کا سامنا کر سکیں۔

ایک سوال کے جواب میں فواد چوہدری نے کہا جب بھی پاکستان میں فوج کو مداخلت ہوئی، پاکستانی عوام کے مطالبے پر ہوئی۔

’چاہے ذوالفقارعلی بھٹو کے خلاف مارشل لا لگا ہو یا نواز شریف کے خلاف مارشل لا پاکستان کے لوگوں نے اُس مارشل لا کو ہمیشہ خوش آمدید کہتے ہوئے فوج کے اقدامات کو سپورٹ کیا۔ فوج پاکستانی عوام کے تعاون کے بغیر کچھ نہیں کر سکتی۔‘

انہوں نے اعتراف کیا کہ جب آپ حکومت میں آتے ہیں تو پھیلاؤ کا اندازہ تب ہوتا ہے۔ ’ہمارے یہاں اتنی کھلی بات تو ہوتی نہیں کہ اپوزیشن کو ہر چیز کا پتہ ہو۔ اندازہ تو ہوتا ہے کہ برا حال ہے لیکن کتنا برا حال ہے یہ آپ کو تب ہی پتہ چلتا ہے جب آپ حکومت میں آتے ہیں۔‘

انہوں نے مزید کہا کہ گذشتہ حکومتوں کے پاس بھی آئی ایم ایف کے پاس جانے کے سوا اور کوئی چارہ نہیں ہوتا تھا، اس لیے وہ بھی آئی ایم ایف کے پاس جاتی تھیں۔

فواد چوہدری نے خود پر بننے والے مزاخیہ لطیفوں اور میمز کے بارے میں کہا کہ وہ اس سے لطف اندوز ہوتے ہیں۔ ’صبح صبح کچھ لوگ مجھے بھیج دیتے ہیں اور کئیوں کو میں بھیج دیتا ہوں۔‘