حسبِ توفیق رسائی کے ہنر جانتے ہیں

[ظفری]

حسبِ توفیق رسائی کے ہنر جانتے ہیں​

حرمتِ خال ہیں انجام ِسفر جانتے ہیں​

​

کس لئے اشک سبھی صرف چراغاں کر دیں​

کچھ ہنر اور بھی ہم دیدہ تر جانتے ہیں​

​

اڑ گئے جتنے پرندے وہی محفوظ رہے​

ورنہ جنگل پہ جو گزری ہے شجر جانتے ہیں​

​

کیسی آنکھیں تھیں کہ جن آنکھوں سے دنیا دیکھی​

کیسی دنیا تھی جسے خواب دگر جانتے ہیں​

​

قریہ شب میں جمیل آگ تھی مصروف جنوں​

روشنی کیسے ہوئی خاک بسر جانتے ہیں​

( جمیل ؟؟؟ )​

 

[الف عین]

اس میں تو واقعی گوگل ابد الآبادی صاحب ناکام رہے۔

 

[محمداحمد]

اڑ گئے جتنے پرندے وہی محفوظ رہے​

ورنہ جنگل پہ جو گزری ہے شجر جانتے ہیں​

بہت ہی خوب! ​

 

[محمد وارث]

شکریہ ظفری بھائی خوبصورت غزل شیئر کرنے کیلیے۔