جس گھڑی تیرے آستاں سے گئے ۔ نواب آصف الدولہ

فرخ منظور

لائبریرین

جس گھڑی تیرے آستاں سے گئے
ہم نے جانا کہ دو جہاں سے گئے

تیرے کوچے میں نقشِ پا کی طرح
ایسے بیٹھے کہ پھر نہ واں سے گئے

شمع کی طرح رفتہ رفتہ ہم
ایسے گزرے کہ جسم و جاں سے گئے

(ق)
ایک دن میں نے یار سے یہ کہا
اب تو ہم طاقت و تواں سے گئے

ہنس کے بولا کہ سن لے اے آصفؔ
یہی کہہ کہہ کے لاکھوں جاں سے گئے

(نواب آصف الدولہ)
 
محفل فورم صرف مطالعے کے لیے دستیاب ہے۔
Top