جرائم اور حادثات کی فرضی فلم بندی۔۔۔! آپ کی رائے میں

[محمداحمد]

آج کل ہمارا میڈیا، ہمارے معاشرے میں ہونے والے جرائم اور حادثات کی فرضی فلم بندی reenactment کرکے دکھاتا ہے اور اس طرح کے پروگرامز کا رجحان کافی زیادہ ہوگیا ہے۔

اس سلسلے میں آپ کی رائے کیا ہے؟

 

[شمشاد]

آجکل کا میڈیا سنسنی پھیلانے اور اپنی ریٹنگ بڑھانے کے چکر میں کچھ بھی کر سکتا ہے۔

اس سے اچھا ہے کہ بھلائی کی طرف توجہ دے۔

 

[زبیر مرزا]

خبر اگر مؤثر انداز میں پیش کی جائے اور کسی حادثے یا واقعے کی مکمل تفصیلات مہیا کردی جائیں تو یہی کافی ہے
فلم بندی کرکے جزئیات تو اور تمام حرکات وسکنات کو دیکھانا تو تربیتی کورس ہوسکتا ہے جس سے نوآموز مجرم زیادہ سیکھ سکتے ہیں

 

[محمداحمد]

آجکل کا میڈیا سنسنی پھیلانے اور اپنی ریٹنگ بڑھانے کے چکر میں کچھ بھی کر سکتا ہے۔

اس سے اچھا ہے کہ بھلائی کی طرف توجہ دے۔

خبر اگر مؤثر انداز میں پیش کی جائے اور کسی حادثے یا واقعے کی مکمل تفصیلات مہیا کردی جائیں تو یہی کافی ہے
فلم بندی کرکے جزئیات تو اور تمام حرکات وسکنات کو دیکھانا تو تربیتی کورس ہوسکتا ہے جس سے نوآموز مجرم زیادہ سیکھ سکتے ہیں

یہ بات مجھے بھی تکلیف دے رہی ہےکہ اس سے بہت سے نادان / معصوم لوگ بہت غلط اثر لیتے ہیں اور نادانی میں اپنا اور دوسروں کا ناقابلِ تلافی نقصان کر بیٹھتے ہیں۔

۔

 

[محمداحمد]

میڈیا کی انہی حرکتوں کی وجہ سے سامنے آنے والے واقعات کے کچھ لنکس:

طالب علم نے خودکشی کرلی

کراچی اور ایبٹ آباد میں 2 طالبعلموں کی خودکشی، مظفر گڑھ میں نوجوان کو بچا لیا گیا، حالت تشویشناک

 

[شمشاد]

لیکن میڈیا نے تو ایسی خبریں چٹ پٹی بنا کر پیش کرنا ہوتی ہیں۔

اس بات پر مجھے وہ خبر یاد آئی جب صدام حسین کی پھانسی کی ویڈیو میڈیا نے بار بار نشر کی اور اس کی نقل کرتے ہوئے دو یا تین بچوں نے خود کو پھانسی دے لی تھی۔

 

[حسیب نذیر گِل]

میرے خیال میں میڈیا یہ سب کچھ ٹائم پورا کرنے کی غرض سے دکھاتا ہے کیونکہ ان کے مطابق سیاست کے علاوہ صرف یہی قسم بچ جاتی ہے جسے دکھایا جا سکے۔
پاکستانی میڈیا میں عمدہ ڈاکیومینٹریز نہ ہونے کے برابر ہیں۔صرف ایک چینل ہفتہ وار ڈاکیومینٹری دکھاتا ہے اور اب اسکی تقلید کرتے ہوئے دوسرے چینل نے بھی بنانا شروع کردی ہے۔لیکن یہ ڈاکیومینٹریز بھی صرف ریٹنگز کیلیے ہوتی ہیں

 

[محمداحمد]

یہ ریٹنگز بھی بڑی خراب چیز ہیں، ریٹنگز بڑھانے کے چکر میں یہ میڈیا والے نہ جانے کیا کیا کرجاتے ہیں۔