جتنی جلدی ان ہاؤس تبدیلی لائی جائے قوم کیلئے بہتر ہے، شہباز شریف

جاسم محمد نے 'سیاست' کی ذیل میں اس موضوع کا آغاز کیا، ‏دسمبر 4, 2019

  1. جاسم محمد

    جاسم محمد محفلین

    مراسلے:
    14,360
    جتنی جلدی ان ہاؤس تبدیلی لائی جائے قوم کیلئے بہتر ہے، شہباز شریف
    ویب ڈیسک بدھ 4 دسمبر 2019
    [​IMG]
    عمران نیازی اور نیب گٹھ جوڑ نے میرے اثاثے منجمد کیے، شہباز شریف

    لندن: مسلم لیگ (ن) کے صدر شہباز شریف کا کہنا ہے کہ عمران خان اور نیب گٹھ جوڑ میں کوئی شک نہیں رہا، انہوں نے میرے اثاثے منجمد کیے۔

    لندن میں پریس کانفرنس کرتے ہوئے قومی اسمبلی میں قائد حزب اختلاف شہباز شریف کا کہنا تھا کہ ملک کی سیاسی صورتحال پر تشویش ہے، عدالت عظمیٰ نے کل آشیانہ ہاؤسنگ اسکیم میں مجھے سرخرو کیا، عدالت نے میری ضمانت منسوخی کی نیب درخواست مسترد کردی، نیب نے جیسے درخواستیں واپس لیں اور عدالتی ریمارکس نے دودھ کا دودھ پانی کا پانی کردیا۔

    شہباز شریف کا کہنا تھا کہ عمران خان اور نیب گٹھ جوڑ میں کوئی شک نہیں رہا، انہوں نے شرمندگی سے بچنے کے لیے میرے اثاثے منجمد کیے، الیکشن کمیشن اورایف بی آرمیں میرے تمام اثاثے ظاہرہیں، مجھ پر یا میرے بچوں پرکرپشن ثابت ہوئی توسیاست چھوڑدوں گا جب کہ نوازشریف سمیت پوری ٹیم کی بے گناہی ایک ایک کرکے سامنے آرہی ہے، میں نیب کےعقوبت خانے میں بھی رہا لیکن کچھ ثابت نہیں ہوا۔

    صدر مسلم لیگ (ن) نے کہا کہ پاکستان کی تاریخ میں عمران خان سے بڑا جھوٹا شخص نہیں دیکھا، عمران خان احسان فراموش اورغصے سے بھرا انسان ہے، انتشارکے بیج حکومتی پارٹی نے بوئے، ہم سب متحد ہیں۔ ایک سوال کے جواب میں انہوں نے کہا کہ عمران خان کے ساتھ کسی معاملے پر بات نہیں ہوسکتی۔

    شہباز شریف کا کہنا تھا کہ عمران خان یوٹرن کے ماسٹر ہیں، کہاں گئے 50 لاکھ گھر، ڈیڑھ سال میں ایک گھربھی نہیں بنا اور وہ ایک کروڑنوکریاں کہاں گئیں، پشاورمیں بی آرٹی منصوبےمیں اب بھی توڑپھوڑچل رہی ہے، حکومت کی ناکام پالیسیوں کی وجہ سے لاکھوں لوگ بے روزگارہوئے۔ ایک سوال کے جواب میں صدر مسلم لیگ (ن) نے کہا کہ جتنی جلدی ان ہاوَس تبدیلی لائی جائے اس میں قوم کی بہتری ہے کیوں کہ عمران خان نے پاکستانی معیشت کوتباہ کردیا،پاکستان اس کامزید متحمل نہیں ہوسکتا۔
     
  2. جاسم محمد

    جاسم محمد محفلین

    مراسلے:
    14,360
  3. جاسم محمد

    جاسم محمد محفلین

    مراسلے:
    14,360
    پوری دنیا پاکستانی معیشت مستحکم ہونے کی تعریفیں کر رہی ہے اور ادھر قومی چوروں کا رونا دھوناہی بند نہیں ہو رہا۔
    [​IMG]
     
  4. جاسم محمد

    جاسم محمد محفلین

    مراسلے:
    14,360
    قومی چوروں کو سپورٹ کرنے والوں کی سوچ: ہر چیز پر سبسڈی دی، بجلی قرضے لے کر بنائی۔ خزانہ خالی کر گئے۔ اس لئے ان کو واپس آنا چاہئے۔
     

اس صفحے کی تشہیر