جانے کہاں پہ دل ہے رکھا

[F@rzana]

آج کا دن بھی پھیکا پھیکا

کھڑکی سے چھپ کر تکتا ہے

میں ہاری یا وہ ہے جیتا

روز کا ہی معمول ہے یہ تو

کل بھی بیتا آج بھی بیتا

درد بھی ویسا ہی بلکل ہے

تھوڑا تھوڑا، میٹھا میٹھا

چولھا چوکا جھاڑو پونچھا

سب کچھ کر بیٹھی تب سوچا

ہر شئے پونچھ کے جھاڑ کے دیکھا

جانے کہاں پہ دل ہے رکھا۔ ۔ ۔ !!!​

 

[شمشاد]

بہت خوب

لیکن طاق پہ دوبارہ دیکھ لینا تھا، ذرا آگے کر کے

 

[وہاب اعجاز خان]

جواب

واہ محترمہ آپ کی نظم پڑھ کر خاور احمد کا شعر یاد آگیا کہ

ساجن کی یادیں بھی خاور کن لمحوں میں‌ آ جاتی ہیں
گوری آٹا گوندھ رہی تھی نمک ملانا بھول گئی

 

[F@rzana]

باذوق

شکریہ صاحب، آپ کی واہ سے ذوق کا اندازہ ہوتا ہے۔

 

[فرذوق احمد]

السلام علیکم
واہ جی واہ کیا بات ہیں آپ کی بہت اچھی نظم ہیں آپ کی خدا اس کی عمر دراز کرے