تیرے ہندیاں سندیاں محبوبا ۔۔۔۔۔۔

[faisalrabbani]

تیرے ہندیاں سندیاں محبوبا
تیرا مجرم ہاں جے میں ہواں
سوں تیری سوہنیاں تویوں ای ایں
ہوے شرک عیاں جے میں ہواں

سب ذات صفات امانت تیری
نئی کجھ میرا سب تیرا
میں تاں جدوں دا وچ قرآن پڑھیا
تیرا شہہ رگ دے وچ ڈیرہ
ہر پاسے سوہنے یار دا چہرہ
میں تاں ویکھیا چار چفیرا
جد یار دا سب کچھ یار دیوانے
فیر میں وچ کجھ نئی میرا

سوں تیری سوہنیاں تویوں ای ایں

سوہنڑاں سارے جہان تو یار میرا
انہوں دین آکھاں کہ ایمان آکھاں
اودی ضد نہ ندھ نہ مثل کدھرے
بے نشان آکھاں کہ نشان آکھاں
صورت وچ ظاہر باطن بے صورت
لامکان آکھاں کہ مکان آکھاں
آکھاں روح، وصل کہ جسم آکھاں
یا دیوانیاں کامل انسان آکھاں

کِتے اول نئی میں آخر نئی
کِتے باطن نئی میں ظاہر نئی
ہر پاسے سوہنڑیاں دسنا توں
دسے میرا نشاں جے میں ہواں

سوں تیری سوہنیاں تویوں ای ایں

اے خدا گلزار توں
باغ بہار و بن وی توں
ہر جگہ روشن وی توں
سورج وی توں
تے چن وی توں
ساری کائنات دا فنکار توں
تے فن وی توں
توں ای توں ایں سوہنیاں
ہر تن وی توں تے من وی توں
ایہہ کجھ نئی بس کجھ نئی
ہر چیز جوگی کج نئی
اے خدا تیرے سوا
بس ہور سب کجھ، کجھ نئی

سوں تیری سوہنیاں تویوں ای ایں

نہاں وی توں عیاں وی توں
نشیں وی توں نشاں وی توں
صاحب لامکاں وی توں
مکیں وی توں مکاں وی توں
میں تاں ویکھا چار چپھیرا اے
ہر پاسے دسنا بس سوہنڑیاں توں

راز توں نیاز توں
غائب توں موجود توں
دیر توں حرم وی توں
عابد توں معبود وی توں
خاموش جئی فضا دے وچ
کن دی ہک سدا وی توں
آپ فیاکون توں
بندہ وی توں خدا وی توں
ڈر حشر دا رکھئے دل وچ کیوں
جد میں ہی نئی فیر ڈر کادا
ان حد دی تے حد دسدی نئی
حد لگدی تاں جے میں ہوا

سوں تیری سوہنیاں تویوں ای ایں

اے جان دساں تے جان کے ہی
سر چکیاں بھار امانت دا
میں امر تیرے نوں من بیٹھاں
سوں تیری کھاں جے میں ہواں

جس دعویٰ کیتا میں والا
او پل وچ ہو ابلیس گیا
اونہے یار نوں وکھریاں سمجھیا سی
میں کی سمجھاں جے میں ہواں

کدی گنج شکر بنڑ جاناں ایں
کدی خواجہ پیا بنڑ آناں ایں
نت نویں توں روپ وٹاناں ایں
میں پھڑیا جاں جے میں ہواں

سوں تیری سوہنیاں تویوں ای ایں

جتھے ہے ہکو، ذات حق دی اے
میری ذات کوئی نئی، تے صفات کوئی نئی
بھلا خاک نمانی نے بولنڑا کی
بنا یار بولے ہوندی آواز کوئی نئی
باقی یار میرا، میں تے ہاں فانی
میری ہور اس توں کرامات کوئی نئی
تینوں فیر دیوانیاں کی دساں
میری صفت کی اے؟ جیہڑی ذات کوئی نئی

سوں تیری سوہنیاں تویوں ای ایں

جند جان امانت ماہی دی
پیر نظامی میرا دلبر جانی
جنہوں ویکھے چن شرمائے
لکھ لکھ عید ہوئے کملی نوں
سوہنڑاں جھات کدی جے پاوے
ہر دم آس امید کاتی نوں
سوہنا جس راہوں لنگ آوے
ہو کے خاک دیوانے میری
اودی نال جتی لگ جاوے

سوں تیری سوہنیاں تویوں ای ایں
ہوے شرک عیاں جے میں ہواں

کلام خواجہ عبدالرحیم، بابا دیوانہ نظامی چشتی لاہور
مکمل کلام انٹرنیٹ پر پہلی بار پوسٹ کیا جا رہا ہے ۔۔۔۔۔۔ !!!

کوشش کی گئی ہے کوئی غلطی باقی نہ رہے پھر بھی انسان خطا کا پتلا ہے
پیشکش : فیصل ربانی (روح پرواز) اینڈ وجدان عشق

دوستوں نکی جئی عرض اے کہ ایہہ دو لفظاں دے مطلب سمجھ توں باہر نیں کوئی بھرا کدے روشنی پا دیوے تے مہربانی جے۔۔۔۔
ہک:
ہر دم آس امید کاتی نوں
لفظ کاتی سمجھ توں باہر اے
دو :
تیرے ہندیاں سندیاں محبوبا
لفظ سندیاں سمجھ تو باہر اے​

 

[یوسف سلطان]

لفظ کاتی سمجھ توں باہر اے

تیرے ہندیاں سندیاں محبوبا
لفظ سندیاں سمجھ تو باہر اے

ہندیاں سندیاں : ہوتے ہوئے

تیرے ہندیاں سندیاں محبوبا
اے محبوب آپ کے ہوتے ہوئے
اسطرح دے ہور وی بتھیرئے لفظ نے جیہڑے اپس اچ ملدے جلدئے نے یعنی ہم کافیا نے پر مطلب وکھو واکھ نے اہنا دے مثلا
رہندیاں سہںدیاں
ہسدیاں وسدیاں وغیرہ ۔۔
فیصل پا جی جو میرے علم اچ سی تہانوں دس دیتا اے ۔
اگر نہ سمجھ آئی تے پریشان نہیں ہونا تے کُجھ کُجھ دینا بعد جھاتی ماردیا رہیا کرو اِدھر ۔
ان شاء الله کوئی نہ کوئی ضرور مزید تفصیل نال دس سے گا تہانوں وی تے مینوں وی ۔ رب راکھا

 

[faisalrabbani]

بہوں پیارے یوسف سلطان جی
چنگی تے ستھری روشنی پائی جے، معذرت بڑے دناں بعد جھاتی پائی، تہاڈا بہتا شکریہ شالا جگ جگ جیو