تیرے باجوں سانوں تیری لوڑ سدا رھنی اے

[تنویرسعید]

تیرے باجوں سانوں تیری لوڑ سدا رھنی اے

زندگی وِچ خوشیاں دِی تھوڑ سدا رھنی اے
تیرے باجوں سانوں تیری لوڑ سدا رھنی اے

تیری ہر گل اسی سِر متھے رکھدے ساں
ہر ویلے بے کے تیری راہ اسی تکدے ساں
پر دِتی تُوں جُدائ ایہو سانوں کوڑ سدا رھنی اے
تیرے باجوں سانوں تیری لوڑ سدا رھنی اے

تُوں سانوں کاھھنوں وَس دُکھاں دے پایا اِی
دس نی تقدیرے اسی تیرا کیہ گَوایا سِی
دل دے شیشے دِی پَن تڑووڑ سدا رھھنی اے
تیرے باجوں سانوں تیری لوڑ سدا رھنی اے

ساھواں دا کیہ اے اِکدن ساہ مُک جانے نیں
ٹُردیاں ٹُردیاں آپے اِی راہ مُک جانے نیں
جد تک جِینا سُکھ دُکھ دِی دوڑ سدا رھنی اے
تیرے باجوں سانوں تیری لوڑ سدا رھنی اے

زندگی وِچ خوشیاں دِی تھوڑ سدا رھنی اے
تیرے باجوں سانوں تیری لوڑ سدا رھنی اے

 

[شمشاد]

بہتا سارا شکریہ جناب۔

 

[علی ذاکر]

زندہ باد وئ زنہباد!
ماسلام

 

[زینب]

ودیا جی۔۔۔۔۔۔۔۔۔۔۔۔۔۔۔۔۔۔۔۔

 

[محمدصابر]

زندگی وِچ خوشیاں دِی تھوڑ سدا رھنی اے
تیرے باجوں سانوں تیری لوڑ سدا رھنی اے

واہ جی واہ کیا کہنے

 

[تنویرسعید]

پسند کرن دا شکریہ جی