درد تجھ ہی کو جو یاں جلوہ فرما نہ دیکھا - خواجہ میر درد

[کاشفی]

غزل​

(خواجہ میر درد)​

تجھ ہی کو جو یاں جلوہ فرما نہ دیکھا​

برابر ہے دنیا کو دیکھا نہ دیکھا​

​

مرا غنچہء دل ہے وہ دل گرفتہ​

کہ جس کو کِسو نے کبھو وا نہ دیکھا​

​

یگانہ ہے تو آہ بیگانگی میں​

کوئی دوسرا اور ایسا نہ دیکھا​

​

اذیت، مصیبت، ملامت، بلائیں​

ترے عشق میں ہم نے کیا کیا نہ دیکھا​

​

کیا مجھ کو داغوں نے سروِ چراغاں​

کبھو تونے آکر تماشا نہ دیکھا​

​

تغافل نے تیرے یہ کچھ دن دکھائے​

اِدھر تونے لیکن نہ دیکھا نہ دیکھا​

​

حجابِ رخِ یار تھے آپ ہم ہی​

کھلی آنکھ جب کوئی پر وا ، نہ دیکھا​

​

شب و روز اے درد در پہ ہو، اُس کے​

کِسو نے جسے یاں نہ سمجھا نہ دیکھا​

 

[محمد وارث]

شکریہ کاشفی صاحب خوبصورت غزل شیئر کرنے کیلیے۔