نایاب
لائبریرین
بے سکونی جب ہی جنم لیتی ہے جب انسان کا ضمیر اسے پچھتاوؤں میں الجھا دے ۔ نفسانی خواہشات تشنہ تکمیل رہ جائیں ۔ انسان کا ضمیر اسی وقت پچھتاؤؤں کا شکار ہوتا ہے جب اس کے اعمال اس کا خلوص اس کا رویہ اس کا اخلاق خواہش نفس کی پیروی اختیار کر لے ۔ اور آج کے اس تیز رفتار وقت میں خواہش نفس کے اپنی تکمیل کے لیئے اوڑھےلبادے اور نقاب زیادہ دیر تک قائم نہیں رہتے ۔ ہمارا کسی کے ساتھ مخلص ہونا ہماری اپنی حد تک ہمارے اپنے بس میں ہے ۔ اور ہماری یہ حد ہمارے ضمیر کی عدالت میں ہر لمحہ جرح کا سامنا کرتی ہے ۔ اگر ہمارا خلوص ہماری محبت ہمارے ضمیر کی جرح کا صدق دلی سے سامنا کرتے ہمارے ضمیر کو مطمئن کر دے ۔ تو ہمیں یہ پرواہ کبھی نہیں ہوتی کہ ہمارے خلوص ہماری محبت کو زمانہ کس نظر سے دیکھ رہا ہے ۔ خلوص محبت لگاؤ کے رشتے انسانی ہیں اور یہ کسی طور بھی خونی رشتوں کے دائروں میں قید نہیں ۔
بلا شک " اعتبار و اعتماد" کسی بھی دھوکہ کی پہلی سیڑھی کہلاتی ہے ۔ اور اس اعتبار و اعتماد کو خلوص و محبت و لگاؤ کے سہاروں سے مضبوط کیا جاتا ہے ۔ کوئی بھی تو نہیں اس زمانے میں جسے " خلوص محبت و لگاؤ " کے جذبوں کی احتیاج نہ ہو ۔ اور ان جذبوں کے بنا اس کا گزارہ ممکن ہو ۔
کسی حد تک یہ جذبے " فطرت " سے منسلک ہوتے ہیں ۔ اور سب کی ہی فطرت ڈسنے کی نہیں ہوتی ۔
