بہادری والے اشعار

[جاسمن]

وہ دن گئے جب کہ ہر ستم کو ادائے محبوب کہہ کے چپ تھے
اٹھی جو اب ہم پہ اینٹ کوئی، تو اس کا پتھر جواب ہو گا
مرتضیٰ برلاس

 

[جاسمن]

دستِ مزدور جھٹکنے سے نہیں جھک سکتا
اجر مانگا ہے ، کوئی ہاتھ نہیں جوڑے ہیں

 

[جاسمن]

ہم اس فضا میں چپ نہ رہے جس میں دم بخود
سب سوچتے تھے اور کوئی ابتداء کرے!!!!
اعتبار ساجد

 

[جاسمن]

پڑے رہیں تو قلندر اٹھیں تو فتنہ ہیں
ہمیں جگایا تو نیندیں حرام کر دیں گے
شجاع خاور

 

[جاسمن]

لب و نگاہ پہ مہریں لگی رہیں طاہرؔ
کسی کا زور نہ لیکن مرے قلم پہ چلا
جعفر طاہر

 

[سیما علی]

عاقبت فرہاد مر کر کام اپنا کر گیا
آدمی ہووے کسی پیشے میں جرأت چاہیے

ہو طرف مجھ پہلواں شاعر کا کب عاجز سخن
سامنے ہونے کو صاحب فن کے قدرت چاہیے

میر تقی میر

 

[سیما علی]

یہ گہر جس کو آفتاب کہیں
کس اندھیرے کی کان سے نکلا

شکر ہے اس نے بے وفائی کی
میں کڑے امتحان سے نکلا

لوگ دشمن ہوئے اسی کے شکیبؔ
کام جس مہربان سے نکلا

 

[سیما علی]

کہیں ایسی بہادری بھی ہے
تم نے سچ بولنے کی جرأت کی
یہ بھی توہین ہے عدالت کی
سلیم کوثر

 

[جاسمن]

ہمت ہے تو بلند کر آواز کا علم
چپ بیٹھنے سے حل نہیں ہونے کا مسئلہ
ضیاء جالندھری